2 Samuel 6:15 - Yn Vible Casherick 1775 1819

¹⁵ Myr shoh hug David as ooilley thie Israel lhieu seose arg y Chiarn, lesh kiaulleeaght as lesh feiyr y trumpet.

2 Samuel 6:15 ပူးပေါင်းရင်းမြစ်များ

Psalmyn 150:3

Cur-jee moylley da lesh feiyr y chayrn: moylley-jee eh er y lute as y chlaasagh.

Psalmyn 47:1

O bwoaill-jee nyn massyn cooidjagh, ooilley shiuish phobble: O gow-jee arrane gys Jee lesh y choraa dy vingys.

1 Recortyssyn 15:28

Shoh myr hug ooilley Israel lhieu seose arg conaant y Chiarn lesh yllagh, as lesh feiyr y chornet, as lesh trumpetyn, as lesh cymballyn, jannoo kiaull lesh psaltereeyn as claasaghyn.

1 Recortyssyn 15:25

Myr shen hie David as shanstyr Israel, as captanyn ny thousaneyn dy choyrt lhieu seose arg conaant y Chiarn, ass thie Obed-edom lesh boggey.

1 Recortyssyn 15:16

As loayr David rish leeideilee ny Leviteyn, dy phointeil nyn mraaraghyn dy yannoo bingys lesh greinyn-kiaullee, psaltereeyn, as claasaghyn, as cymballyn feiyral, as lesh ard-voggey troggal seose nyn goraa.

Psalmyn 132:18

Shen y raad ver-ym er niart Ghavid dy vlaaghey: ta mee er n’oardaghey londeyr son my Er-ooilit.

2 Samuel 6:14

As ren David daunsin fenish y Chiarn lesh ooilley e niart, as va David coamrit lesh ephod aanrit.

2 Samuel 6:16

As myr haink arg y Chiarn stiagh ayns ard-valley Ghavid, yeeagh Michal inneen Saul trooid uinniag, as honnick ee ree David lheimyragh as daunsin fenish y Chiarn, as hoie ee beg jeh ayns e cree.

Ezekiel 46:10

As y prince ’sy vean oc, tra hed adsyn stiagh, hed eshyn stiagh; as tra hig adsyn magh, hig eshyn magh myrgeddin.

Psalmyn 149:5

Lhig da ny nooghyn ’ve gennal dy gloyroil: lhig daue boggey ’ghoaill er nyn lhiabbaghyn.

Habakkuk 3:18

Ny-yeih neem’s mee hene y gherjaghey ayns y Chiarn, as goym boggey ayns Jee my haualtys.