2 Samuel 6:13 - Yn Vible Casherick 1775 1819

¹³ As myr shen ve, tra v’adsyn va gymmyrkey arg y Chiarn, er n’gholl shey kesmadyn, dy heb eh dew as beiyn roauyrey ayns oural.

2 Samuel 6:13 ပူးပေါင်းရင်းမြစ်များ

1 Reeaghyn 8:5

As ree Solomon, as ooilley sheshaght Israel, va er nyn jaglym cooidjagh huggey, v’ad mârish kiongoyrt rish yn arg, chebbal kirree as dew ayns oural, nagh voddagh ve inshit ny coontit son earroo.

1 Recortyssyn 15:15

As dymmyrk cloan ny Leviteyn arg Yee er nyn gheayltyn, lesh ny looghyn, myr doardee Moses cordail rish goo’n Chiarn.

1 Recortyssyn 15:2

Eisht dooyrt David, Cha vel eh lowit da feallagh erbee dy ymmyrkey arg Yee agh ny Leviteyn: son adsyn ta’n Chiarn er reih dy chur lhieu arg Yee, as dy yannoo shirveish da, son dy bragh.

2 Recortyssyn 5:6

Myrgeddin, ren ree Solomon as ooilley sheshaght Israel v’er nyn jaglym cooidjagh huggey kiongoyrt rish yn arg, dew as kirree y hebbal son oural, nagh voddagh ve coontit, v’ad whilleen ayns earroo.

Earrooyn 4:15

As tra vees Aaron as e vec erreish coodaghey yn ynnyd casherick, as ooilley ny siyn casherick, myr ta’n camp dy gholl er y hoshiaght; lurg shen, hig mec Kohath dy choyrt lhieu eh; agh cha negin daue bentyn rish nhee casherick erbee, er-aggle dy vow ad baase. Ta ny reddyn shoh errey mec Kohath, ayns cabbane-agglish y cheshaght.

Earrooyn 7:9

Agh da mec Kohath cha dug eh veg, er-yn-oyr dy row’n chirveish ocsyn mysh y chabbane-casherick, dy row ad dy choyrt lhieu eh er nyn gheayltyn.

Noo Mian 22:4

Reesht hug eh magh sharvaantyn elley, gra, Abbyr-jee roosyn ta cuirt, Cur-my-ner ta mee er n’aarlaghey my yinnair: ta my ghew as my veiyn beiyht marroo, as dy chooilley nhee ullee; tar-jee gys y vannish.

Joshua 3:3

As hug ad currym er y pobble, gra, Cha leah as nee shiu fakin arg conaant yn Chiarn y Jee eu, as ny saggyrtyn ny Leviteyn gymmyrkey eh, eisht nee shiuish troggal, as goll geiyrt er.