2 Samuel 6:12 - Yn Vible Casherick 1775 1819

¹² As ve er n’insh da ree David, gra, Ta’n Chiarn er vannaghey thie Obed-edom, as ooilley ny va bentyn da, er coontey arg Yee. Myr shen hie David as hug eh lesh arg Yee seose, veih thie Obed-edom, gys ard-valley Ghavid, lesh ard-voggey.

2 Samuel 6:12 ပူးပေါင်းရင်းမြစ်များ

2 Samuel 5:7

Ny-yeih ghow David cashtal lajer Zion: ta’n boayl cheddin ard-valley Ghavid.

1 Reeaghyn 8:1

Eisht haggil Solomon shanstyr Israel cooidjagh, as ooilley king ny tribeyn, ard-gheiney ayraghyn cloan Israel, gys ree Solomon ayns Jerusalem, dy choyrt lhieu seose arg conaant y Chiarn ass ard-valley Ghavid, ta shen, Zion.

1 Reeaghyn 8:3

As haink ooilley shanstyr Israel, as hrog ny saggyrtyn lhieu yn arg.

1 Reeaghyn 8:4

As hug ad lhieu seose arg y Chiarn, as y cabbane-agglish, as ooilley ny siyn casherick va ’sy chabbane, eer ad shoh hug ny saggyrtyn as ny Leviteyn lhieu seose.

1 Recortyssyn 15:15

As dymmyrk cloan ny Leviteyn arg Yee er nyn gheayltyn, lesh ny looghyn, myr doardee Moses cordail rish goo’n Chiarn.

1 Recortyssyn 15:25

Myr shen hie David as shanstyr Israel, as captanyn ny thousaneyn dy choyrt lhieu seose arg conaant y Chiarn, ass thie Obed-edom lesh boggey.

1 Recortyssyn 16:16

Eer y conaant shen ren eh rish Abraham, as y breearrey hug eh da Isaac:

1 Recortyssyn 26:4

As mec Obed-edom v’ad, Shemaiah yn mac shinney, Jehozabad yn nah, Joah yn trass, as Sacar yn chiarroo, as Nethaneel yn wheiggoo,

1 Recortyssyn 26:5

Ammiel y cheyoo, Issachar yn chiaghtoo, Peulthai yn hoghtoo: son va Jee er vannaghey eh.

2 Recortyssyn 5:2

Eisht haggil Solomon cooidjagh shanstyr Israel, as ooilley king ny tribeyn, ard-gheiney ayraghyn cloan Israel gys Jerusalem, dy chur lhieu seose arg conaant y Chiarn, ass ard-valley Ghavid, ta shen Zion.

Noo Mian 10:42

As quoi-erbee ver agh cappan dy ushtey feayr da unnane jeh’n vooinjer veggey shoh dy iu, son dy vel eh credjal aynym’s, dy firrinagh ta mee gra riu, nagh jean eh er aght erbee e leagh y choayl.