2 Samuel 5:9 - Yn Vible Casherick 1775 1819

⁹ Myr shoh ren David cummal ’sy chashtal, as ren eh genmys eh Ard-valley Ghavid: as hrog David ooilley mygeayrt, veih Millo as er cheu-sthie jeh.

2 Samuel 5:9 ပူးပေါင်းရင်းမြစ်များ

2 Samuel 5:7

Ny-yeih ghow David cashtal lajer Zion: ta’n boayl cheddin ard-valley Ghavid.

2 Samuel 5:8

As dooyrt David er y laa shen, Quoi-erbee chosnys stiagh er ny gutteryn-ushtey, as woaillys ny Jebusiteyn, as ny baccee, as ny doail, ta dwoaie oc er annym Ghavid, bee eshyn ny ard-chaptan. Shen-y-fa te oc myr raa, Cre dooyrt ny doail as ny baccee rish [David]? Cha vow eh stiagh ’sy voayl shoh.

2 Samuel 6:10

Myr shoh cha jinnagh David lesh arg y Chiarn gys ard-valley Ghavid: agh hie David dy lhiattee lesh gys thie Obed-edom yn Gittite.

1 Reeaghyn 11:27

As shoh va’n oyr dy hrog eh seose e laue noi’n ree: Hrog Solomon Millo, as cherree eh ny brishaghyn v’ayns voalley ard-valley Ghavid e ayr.

1 Reeaghyn 2:10

Myr shen ren David cadley marish e ayraghyn, as v’eh oanluckit ayns ard-valley Ghavid.

1 Reeaghyn 9:15

As shoh va oyr y cheesh hrog ree Solomon, Ry-hoi troggal thie’n Chiarn, as e hie hene, as Millo, as voalley Yerusalem, as Hazor, as Megiddo, as Gezer.

1 Reeaghyn 9:24

Agh haink inneen Pharaoh seose ass ard-valley Ghavid gys e thie hene va Solomon er hroggal jee: shen y traa hrog eh Millo.

2 Reeaghyn 12:20

As hrog ny sharvaantyn echey, as ghow ad coyrle follit n’oï, as varr ad Joash ayns thie Millo, t’er y raad gys Silla.

2 Reeaghyn 12:21

Son woaill Jozachar mac Shimeath, as Jehozabad mac Shomer, e harvaantyn, eh, dy dooar eh baase; as doanluck ad eh marish e ayraghyn ayns ard-valley Ghavid: as ren Amaziah e vac reill ayns e ynnyd.

1 Recortyssyn 11:8

As hrog eh yn ard-valley ooilley mygeayrt, eer veih Millo: as ren Joab coamrey yn chooid elley jeh’n ard-valley.

2 Recortyssyn 32:5

Myrgeddin, ren eh eh-hene y niartaghey, as hrog eh ooilley yn voalley va brisht, as hrog eh seose eh gys ny tooryn, as voalley elley er cheu-mooie, as ren eh Millo ayns ard-valley Ghavid y yannoo ny s’troshey, as hooar eh aarloo ymmodee shleiyghyn as scapeyn.

Nehemiah 3:15

Agh giat y farrane ren Shallum, mac Col-hozeh, fer-reill er ayrn jeh Mizpah y choamrey; hrog eh eh, as hoie eh seose ny dorryssyn, ny glassyn, as ny boltyn echey, as voalley loghan Siloah, liorish garey’n ree, as gys ny greeshyn ta goll sheese veih ard-valley Ghavid.

Psalmyn 122:3

Ta Jerusalem troggit myr ard-valley: ta ec unnaneys ayn hene.

Isaiah 29:1

Smerg da Ariel, da Ariel, yn ard-valley, raad va David cummal! cur-jee bleïn gys bleïn; lhig daue marroo ny ourallyn.

Briwnyn 9:20

Agh mannagh vel, lhig da aile cheet magh veih Abimelech, dy stroie deiney Shechem, as thie Millo; as lhig da aile cheet magh veih deiney Shechem, as veih thie Millo, dy stroie Abimelech.

Briwnyn 9:6

As ren ooilley deiney Shechem chaglym cooidjagh, as ooilley deiney Millo, as hie ad as ren ad Abimelech nyn ree, liorish billey-darragh y phillar va ayns Shechem.