2 Samuel 5:7 - Yn Vible Casherick 1775 1819

⁷ Ny-yeih ghow David cashtal lajer Zion: ta’n boayl cheddin ard-valley Ghavid.

2 Samuel 5:7 ပူးပေါင်းရင်းမြစ်များ

2 Samuel 5:8

As dooyrt David er y laa shen, Quoi-erbee chosnys stiagh er ny gutteryn-ushtey, as woaillys ny Jebusiteyn, as ny baccee, as ny doail, ta dwoaie oc er annym Ghavid, bee eshyn ny ard-chaptan. Shen-y-fa te oc myr raa, Cre dooyrt ny doail as ny baccee rish [David]? Cha vow eh stiagh ’sy voayl shoh.

2 Samuel 5:9

Myr shoh ren David cummal ’sy chashtal, as ren eh genmys eh Ard-valley Ghavid: as hrog David ooilley mygeayrt, veih Millo as er cheu-sthie jeh.

2 Samuel 6:10

Myr shoh cha jinnagh David lesh arg y Chiarn gys ard-valley Ghavid: agh hie David dy lhiattee lesh gys thie Obed-edom yn Gittite.

2 Samuel 6:12

As ve er n’insh da ree David, gra, Ta’n Chiarn er vannaghey thie Obed-edom, as ooilley ny va bentyn da, er coontey arg Yee. Myr shen hie David as hug eh lesh arg Yee seose, veih thie Obed-edom, gys ard-valley Ghavid, lesh ard-voggey.

2 Samuel 6:16

As myr haink arg y Chiarn stiagh ayns ard-valley Ghavid, yeeagh Michal inneen Saul trooid uinniag, as honnick ee ree David lheimyragh as daunsin fenish y Chiarn, as hoie ee beg jeh ayns e cree.

1 Reeaghyn 2:10

Myr shen ren David cadley marish e ayraghyn, as v’eh oanluckit ayns ard-valley Ghavid.

1 Reeaghyn 3:1

As ren Solomon cleunys rish Pharaoh ree Egypt, as ghow eh inneen Pharaoh, as hug eh lesh ee gys ard-valley Ghavid, derrey v’eh er n’yannoo kione er troggal e hie hene, as thie’n Chiarn, as voalley Yerusalem runt mygeayrt.

1 Reeaghyn 8:1

Eisht haggil Solomon shanstyr Israel cooidjagh, as ooilley king ny tribeyn, ard-gheiney ayraghyn cloan Israel, gys ree Solomon ayns Jerusalem, dy choyrt lhieu seose arg conaant y Chiarn ass ard-valley Ghavid, ta shen, Zion.

1 Reeaghyn 9:24

Agh haink inneen Pharaoh seose ass ard-valley Ghavid gys e thie hene va Solomon er hroggal jee: shen y traa hrog eh Millo.

1 Recortyssyn 11:7

As ren David cummal ayns y chashtal, shen-y-fa, denmys ad eh, Ard-valley Ghavid.

2 Recortyssyn 24:16

As doanluck ad eh ayns ard-valley Ghavid mastey ny reeaghyn, er-y-fa dy row eh er n’yannoo mie ayns Israel, chammah gys Jee, as da e hie.

2 Recortyssyn 5:2

Eisht haggil Solomon cooidjagh shanstyr Israel, as ooilley king ny tribeyn, ard-gheiney ayraghyn cloan Israel gys Jerusalem, dy chur lhieu seose arg conaant y Chiarn, ass ard-valley Ghavid, ta shen Zion.

Nehemiah 3:15

Agh giat y farrane ren Shallum, mac Col-hozeh, fer-reill er ayrn jeh Mizpah y choamrey; hrog eh eh, as hoie eh seose ny dorryssyn, ny glassyn, as ny boltyn echey, as voalley loghan Siloah, liorish garey’n ree, as gys ny greeshyn ta goll sheese veih ard-valley Ghavid.

Psalmyn 132:13

My nee dty chloan freayll my chonaant as my recortyssyn neem’s gynsaghey daue: nee’n chloan ocsyn myrgeddin soie er dty stoyl-reeoil er son dy bragh.

Psalmyn 2:6

Agh ta mish er hoiaghey seose my Ree: er Sion my chronk casherick.

Psalmyn 48:12

Gow-jee tastey vie jeh ny voallaghyn lajer eck, soie-jee seose ny thieyn eck: dy vod shiu ginsh dauesyn hig nyn yeï.

Psalmyn 48:3

Son cur-my-ner, ta reeaghyn y thallooin: er nyn jaglym, as er n’gholl shaghey cooidjagh.

Psalmyn 51:18

O bee uss foayroil as graysoil da Sion: trog seose voallaghyn Yerusalem.

Psalmyn 87:2

Ta reddyn feer ooasle er nyn loayrt jeed’s: uss ard-valley dy Yee.

Psalmyn 9:11

O moylley-jee yn Chiarn ta baghey ayns Sion: soilshee-jee da’n pobble cre t’eh er n’yannoo.

Isaiah 12:6

Eïe magh, as yllee, uss chummaltagh Zion: son s’mooar ta’n Fer-casherick dy Israel cheu-sthie jeed.

Isaiah 59:20

As hig yn Saualtagh gys Zion, as hucsyn ta chyndaa ersooyl veih drogh-yannoo ayns Jacob, ta’n Chiarn dy ghra.

Jeremiah 21:13

Cur-my-ner, ta mish dt’oï’s, O chummaltagh ny glionney, as carrick yn thalloo injil, ta’n Chiarn dy ghra; ayd ta’n raa shoh, Quoi hig sheese nyn ’oï? ny quoi s’loys cheet stiagh er ny ynnydyn-vaghee ain?

Micah 4:2

As hig ymmodee ashoonee, as jir ad, Tar-jee as lhig dooin goll seose gys slieau y Chiarn, as gys thie Jee Yacob, as nee eh gynsaghey shin ayns e raaidyn, as nee mayd shooyl ayns e chesmadyn: as hed yn leigh magh ass Zion, as goo yn Chiarn voish Jerusalem.

Romanee 9:33

Myr te scruit, Cur-my-ner, ta mee soiaghey ayns Sion clagh-snapperal, as creg vees oyr tuittym: as quoi-erbee ta credjal ersyn, cha jig eh giare jeh e hreishteil.

Hebrewnee 12:22

Agh ta shiuish er jeet gys cronk Sion, as gys ard-valley yn Jee bio, yn Jerusalem flaunyssagh, as gys sheshaght erskyn earroo dy ainleyn.

Ashlish 14:1

As yeeagh mee, as cur-my-ner, hass Eayn er cronk Sion, as mârish shiaght-feed as kiare thousaneyn, lesh ennym e Ayrey scruit ayns glaare nyn eddinyn.