2 Samuel 5:3 - Yn Vible Casherick 1775 1819

³ Myr shoh haink ooilley shanstyr Israel stiagh gys y ree ec Hebron; as ren ree David conaant roo ayns Hebron fenish y Chiarn: as ren ad David y ooilaghey ny ree harrish Israel.

2 Samuel 5:3 ပူးပေါင်းရင်းမြစ်များ

2 Samuel 2:4

As haink deiney Yudah, as ayns shen ren ad David y ooilaghey ny ree harrish thie Yudah. As dinsh ad da David, gra, Dy nee deiney Yabesh-gilead ren Saul y oanluckey.

2 Samuel 2:7

Shen-y-fa nish, lhig da nyn laueyn v’er nyn niartaghey, as bee-jee dunnal: son ta nyn mainshtyr Saul marroo, as er shoh ta thie Yudah er my ooilaghey dy ve ree harrystoo.

2 Samuel 3:21

As dooyrt Abner rish David, Trog-yms orrym, as hem roym, as goym ayns laue dy hayrn cooidjagh ooilley Israel gys my hiarn yn ree, dy yannoo conaant rhyt, as dy vod oo reill harrish ooilley ny ta dty chree dy yeearree. As lhig David y raad da Abner; as hie eh roish ayns shee.

1 Reeaghyn 1:34

As lhig Zadok yn saggyrt as Nathan y phadeyr ooilaghey eh ayns shen ny ree er Israel: as sheid-jee yn trumpet, gra, Dy saue Jee ree Solomon.

2 Reeaghyn 11:17

As ren Jehoiada conaant eddyr y Chiarn, as y ree, as y pobble, dy beagh ad pobble y Chiarn; eddyr y ree myrgeddin as y pobble.

1 Recortyssyn 11:1

Eisht ren ooilley Israel ad-hene y haglym cooidjagh gys David, ec Hebron, gra, Cur-my-ner, ta shin dty chraue as dt’eill.

1 Recortyssyn 11:3

Shen-y-fa haink ooilley shanstyr Israel gys y ree, gys Hebron, as ren David conaant roo, ayns Hebron, fenish y Chiarn, as ren ad David y ooilaghey ny ree harrish Israel, cordail rish goo’n Chiarn, liorish Samuel.

1 Recortyssyn 28:4

Ny-yeih, ta’n Chiarn Jee Israel er my reih, roish ooilley thie m’ayrey, dy ve ree harrish Israel son earishyn liauyrey, son t’eh er reih Judah dy ve yn ard tribe; as jeh tribe Yudah, thie m’ayrey: as mastey mec m’ayrey ghow eh taitnys aynym’s, dy yannoo mee my ree harrish ooilley Israel:

2 Recortyssyn 23:16

As ren Jehoiada conaant eddyr eh-hene as ooilley’n pobble, as eddyr y ree, dy beagh ad pobble y Chiarn.

Nehemiah 9:38

As kyndagh rish ooilley shoh, ta shin jannoo rhyt’s conaant shickyr, as dy scrieu eh: as ta ny princeyn ain, ny Leviteyn, as ny saggyrtyn ain, coyrt nyn seal huggey.

Exodus 3:16

Immee as chaggil shanstyr Israel, as abbyr roo, Ren y Chiarn Jee ny ayraghyn eu, Jee Abraham, Isaac, as Jacob, soilshaghey eh hene dou gra, Ta mee son shickyrys er yeeaghyn erriu, as er vakin shen ta jeant riu ayns Egypt.

Joshua 10:36

As hie Joshua seose veih Eglon, as ooilley Israel mârish, gys Hebron; as ren ad caggey n’oï:

Briwnyn 11:11

Eisht hie Jephthah marish shanstyr Ghilead, as ren yn pobble eh ny ard-chaptan harroo: as ren Jephthah fockley yn chonaant va eddyr ad fenish y Chiarn ayns Mizpeh.

1 Samuel 11:15

As hie ooilley’n pobble gys Gilgal, as ayns shen ren ad Saul ny ree fenish y Chiarn ayns Gilgal: as ayns shen heb ad ourallyn-shee kiongoyrt rish y Chiarn: as ayns shen va ard-voggey er Saul as ooilley deiney Israel.

1 Samuel 16:13

Eisht ghow Samuel yn eairk dy ooil, as ren eh eh y ooilaghey er-lheh veih e vraaraghyn: as haink Spyrryd y Chiarn er David veih’n laa shen magh. Myr shen dirree Samuel, as hie eh gys Ramah.

1 Samuel 23:18

As ren ad shoh ny-neesht conaant y yannoo fenish y Chiarn. As duirree David ayns y cheyll, as hie Jonathan gys e hie.