2 Samuel 5:24 - Yn Vible Casherick 1775 1819

²⁴ As tra chlinnys oo feiyr mastey ny biljyn-mulberry myr sheean sleih er march, dy jean oo eisht gleashagh oo-hene dy gastey: son eisht ta’n Chiarn goll magh royd, dy woalley sheshaght ny Philistinee.

2 Samuel 5:24 ပူးပေါင်းရင်းမြစ်များ

2 Samuel 5:23

As tra va David er hirrey coyrle jeh’n Chiarn, dooyrt eh, Cha jed oo seose; agh gow combaase nyn yeï, as tar stiagh er y chooyl oc, liorish ny biljyn-mulberry.

2 Reeaghyn 7:6

Son va’n Chiarn er chur er sheshaght-caggee ny Syrianee dy chlashtyn feiyr agglagh fainee, as feiyr cabbil, eer sheean sheshaght vooar caggee; as dooyrt ad y derrey yeh rish y jeh elley, Cur-my-ner, ta ree Israel er vailley reeaghyn ny Hittiteyn, as reeaghyn ny Egyptianee, dy heet orrin.

1 Recortyssyn 14:15

As hig eh gy-kione, tra chlinnys oo sheean ayns mullagh ny biljyn-mulberry myr feiyr sleih er march, eisht gow magh dy chaggey: son ta Jee er n’gholl magh royd, dy woalley sheshaght ny Philistinee.

Briwnyn 4:14

As dooyrt Deborah rish Barak, Seose oo; son er y laa shoh nee’n Chiarn livrey Sisera gys dty laue: nagh vel y Chiarn er n’gholl magh royd? Myr shen hie Barak sheese veih slieau Tabor, as jeih thousane dooinney geiyrt er.

Briwnyn 7:15

As shen myr ve, tra cheayll Gideon yn dreamal inshit, as kys ve er ny hoiggal, dy dug eh ooashley, as hyndaa eh gys sheshaght-caggee Israel, as dooyrt eh, Trog-jee, son ta’n Chiarn er livrey gys nyn laue sheshaght-caggee Vidian.