2 Samuel 5:23 - Yn Vible Casherick 1775 1819

²³ As tra va David er hirrey coyrle jeh’n Chiarn, dooyrt eh, Cha jed oo seose; agh gow combaase nyn yeï, as tar stiagh er y chooyl oc, liorish ny biljyn-mulberry.

2 Samuel 5:23 ပူးပေါင်းရင်းမြစ်များ

2 Samuel 2:1

As haink eh gy-kione lurg shoh, dy ren David briaght jeh’n Chiarn, gra, Jem seose gys veg jeh ard-valjyn Yudah? As dooyrt y Chiarn rish, Gow seose. As dooyrt David, Quoi jeh ny ard-valjyn? As dooyrt eh, Gys Hebron.

2 Samuel 5:19

As hir David coyrle jeh’n Chiarn, gra, Jem seose noi ny Philistinee? jean oo ad y livrey gys my laue? As dooyrt y Chiarn rish David, Gow seose; son neem’s son shickyrys ny Philistinee y livrey gys dty laue.

1 Recortyssyn 14:14

As hir David reesht coyrle veih Jee; as dooyrt Jee rish, Ny gow geiyrt orroo, chyndaa dy lhiattee voue, as tar stiagh er y chooyl oc, trooid ny biljyn-mulberry.

Joshua 8:2

As nee oo rish Ai as rish y ree eck, myr t’ou er n’yannoo rish Jericho as rish e ree: ynrycan yn spooilley, as yn ollagh eck, nee shiu goaill son cragh diu hene: cur deiney dy lhie cooyl-chlea noi’n ard-valley cheu e cooylloo.

Joshua 8:7

Eisht nee shiuish troggal erriu veih’n cooyl-chlea, as goaill yn ard-valley: son nee’n Chiarn y Jee eu eh y livrey gys nyn laueyn.

1 Samuel 22:15

Ren mee eisht briaght jeh Jee er e hon? dy row shen foddey voym. Ny lhig da’n ree cur nhee erbee gys lieh e harvaant, ny lieh ooilley thie my ayrey: son cha row fys ec dty harvaant er veg jeh ooilley shoh, ny sloo ny ny smoo.

1 Samuel 23:2

Er-y-fa shen ren David briaght jeh’n Chiarn, gra, Jig eh lhiam goll, as bwoalley ny Philistinee shoh? As dooyrt y Chiarn rish David, Gow royd, as bwoaill ny Philistinee, as livrey Keilah.