2 Samuel 5:22 - Yn Vible Casherick 1775 1819

²² As haink ny Philistinee seose reesht, as skeayl ad ad-hene ayns coan Rephaim.

2 Samuel 5:22 ပူးပေါင်းရင်းမြစ်များ

2 Samuel 21:15

Ny lurg shoh, va caggey reesht ec ny Philistinee rish Israel; as hie David sheese, as e harvaantyn mârish, as ren ad caggey noi ny Philistinee; as daase David faiynt.

2 Samuel 23:13

As hie three jeh ny ard-chaptanyn jeh ny jeih as feed dy gheiney reiht sheese, as haink ad gys David ayns imbagh yn ouyr gys ooig Adullam: as ren sheshaght ny Philistinee campal ayns coan Rephaim.

2 Samuel 5:18

Haink ny Philistinee myrgeddin, as skeayl ad ad-hene ayns coan Rephaim.

1 Reeaghyn 20:22

As haink y phadeyr gys ree Israel, as dooyrt eh rish, Immee as niartee oo-hene, as bee er dty arrey, as jeeagh cre t’ou dy yannoo: son ec imbagh ny bleeaney hig ree Syria seose dt’oï.

1 Recortyssyn 14:13

As hayrn ny Philistinee reesht ad-hene magh dy lhean ayns y choan.

Isaiah 17:5

As shen myr vees eh, myr tra ta beaynee chaglym yn arroo, as buinn ny jeeassyn lesh e laue; as bee eh goll-rishyn ta jeeassyragh ayns coan Rephaim.

Joshua 15:8

As hie’n chagliagh seose rish coan mac Hinnom, gys cheu-jiass y Jebusite; ta shen Jerusalem: as hie eh seose gys mullagh y clieau erskyn coan Hinnom sheear, ta ec kione-twoaie coan ny foawir: