2 Samuel 5:21 - Yn Vible Casherick 1775 1819

²¹ As ayns shen daag ad ny jallooyn oc, as losht David as e gheiney ad.

2 Samuel 5:21 ပူးပေါင်းရင်းမြစ်များ

Isaiah 37:19

As er hilgey ny jeeghyn oc ’syn aile: son cha nee jeeghyn v’ad, agh obbyr-lauee gheiney, fuygh as clagh; shen-y-fa t’ad er stroie ad.

Jeremiah 43:12

As foaddee eh aile ayns chiambleyn yeeghyn Egypt, as nee eh ad y lostey, as ver eh lesh ersooyl ad nyn gappeeyn; as nee eh eh-hene y choamrey lesh thalloo Egypt, myr ta bochilley dy choyrt er e chooat-fastee, as hed eh magh veih shen ayns shee.

Jeremiah 48:7

Er-yn-oyr dy vel oo er hreishteil ayns obbyr dty laueyn hene, as ayns dty verchys, bee uss myrgeddin goit; as hed Chemosh magh ayns cappeeys, marish e haggyrtyn as e phrinceyn dy cheilley.

Daniel 11:8

As ver eh lesh myrgeddin ny jeeghyn-jalloo oc gys Egypt, marish ny princeyn oc, as marish ny siyn ooasle oc dy argid, as dy airh, as nee eh tannaghtyn ny shlee dy vleeantyn na ree yn twoaie.

Deuteronomy 7:25

Jallooyn grainnit ny jeeghyn oc nee shiu lostey lesh aile; cha der oo saynt da’n argid ny yn airh t’orroo, dy ghoaill eh dhyt hene, er-aggle dy bee oo er dty hayrn ayns ribbeh liorish: son te feohdoil da’n Chiarn dty Yee.

Deuteronomy 7:5

Agh shoh myr nee shiu dellal roo; nee shiu nyn altaryn y stroie, as ny jallooyn oc y lhieggal, as ny keylljyn oc y yiarey sheese, as ny jallooyn grainnit oc y lostey lesh aile.