2 Samuel 5:12 - Yn Vible Casherick 1775 1819

¹² As hoig David dy row’n Chiarn er n’yannoo eh ny ree harrish Israel, as dy row eh er niartaghey e reeriaght er graih e phobble Israel.

2 Samuel 5:12 ပူးပေါင်းရင်းမြစ်များ

2 Samuel 5:11

As hug Hiram ree Tyre chaghteryn gys David, as biljyn-cedar, as seyir, as masoonee; as hrog ad thie da David.

2 Samuel 5:13

As ghow David huggey t’ooilley co-lhiabbee, dy vraane ass Jerusalem, erreish da v’er jeet veih Hebron; as va t’ooilley mec as inneenyn ruggit da David.

2 Samuel 7:16

As bee dty hie as dty reeriaght er ny niartaghey dy beayn kiongoyrt rhyt: bee’n stoyl-reeoil ayd er ny hoiaghey seose dy kinjagh.

1 Reeaghyn 10:9

Bannit dy row’n Chiarn dty Yee, ghow taitnys aynyd, dy hoiaghey oo er stoyl-reeoil Israel: er-yn-oyr dy bynney lesh y Chiarn Israel er-dy-rieau, shen-y-fa ren eh ree jeed’s, dy chur briwnys as cairys.

1 Recortyssyn 14:2

As hoig David dy row’n Chiarn er hickyraghey eh ny ree harrish Israel: son va’n reeriaght echey dy mooar er ny niartaghey er graih e phobble Israel.

2 Recortyssyn 2:11

Eisht hug Huram ree Tyre ansoor ayns screeuyn, hug eh gys Solomon, Er-yn-oyr, dy row graih ec y Chiarn er e phobble, t’eh er n’yannoo uss dty ree harrystoo.

Esther 4:14

Son my vees oo ooilley-cooidjagh dty host ec y traa shoh, eisht nee feaysley as livrey-ys da ny Hewnyn troggal veih boayl elley, agh bee uss as thie dty ayrey er nyn stroie: as quoi ec ta fys, nagh vel oo er jeet gys y reeriaght, cour lheid y traa shoh?

Daniel 2:30

Agh er my hon’s, cha vel y folliaght shoh er ny hoilshaghey dooys, son veg y chreenaght dy vel aym’s erskyn dooinney erbee elley dy vel bio, agh er y choontey ocsyn, nee soilshaghey da’n ree bun yn ashlish, as dy choyrt dhyt’s toiggal ayns smooinaghtyn dty chree).

Earrooyn 24:7

Nee ny siyn echey roie harrish lesh ushtey, as bee reill ec e luight harrish ymmodee ellanyn, as bee’n ree echey ny syrjey na Agag, as bee e reeriaght er ny hoiaghey seose dy niartal.