2 Samuel 5:1 - Yn Vible Casherick 1775 1819

¹ Eisht haink ooilley tribeyn Israel gys David ec Hebron, as dooyrt ad, Cur-my-ner, ta shinyn dty chraue as dt’eill.

2 Samuel 5:1 ပူးပေါင်းရင်းမြစ်များ

Genesis 29:14

As dooyrt Laban rish, Son shickyrys, t’ou my chraue as my eill: as duirree eh mârish mee dy hraa.

2 Samuel 19:12

Shiuish my vraaraghyn, shiuish my chraueyn, as my eill: cre’n-fa eisht ta shiuish yn vooinjer s’jerree dy gheddyn back y ree?

2 Samuel 19:13

As abbyr-jee rish Amasa, Nagh vel uss jeh my chraue, as jeh my eill? Dy jean Jee myr shen rhym’s, as ny smoo neesht, mannagh bee uss ard-chaptan y cheshaght-chaggee aym’s choud’s bio oo, ayns ynnyd Yoab.

2 Samuel 19:14

As hyndaa eh cree ooilley deiney Yudah, myr cree un dooinney; myr shen dy dug ad y chaghteraght shoh gys y ree, Tar hooin reesht oo-hene, as ooilley dty harvaantyn.

2 Samuel 19:43

As dreggyr deiney Israel deiney Yudah, as dooyrt ad, Ta jeih ayrnyn ain ayns y ree, as ta myrgeddin ny smoo dy chairys ainyn ayns David na t’euish: cre’n-fa eisht hoie shiu cha beg j’inyn, as nagh row’n choyrle ain hoshiaght er ny hirrey ayns coyrt lesh back y ree ainyn? As va goan deiney Yudah ny s’fargagh na goan deiney Israel.

2 Samuel 2:32

As hrog ad lhieu Asahel, as doanluck ad eh ayns oaie e ayrey, v’ayns Beth-lehem. As hie Joab as e gheiney fud-ny-hoie, as haink ad gys Hebron ec brishey’n laa.

Ephesianee 5:30

Son ta shin oltyn jeh e chorp, jeh’n eill, as jeh ny craueyn echey.

Deuteronomy 17:15

Nee oo ynrycan eshyn y hoiaghey seose dy ve ree harryd nee yn Chiarn dty Yee y reih; fer mastey dty vraaraghyn ver oo seose son ree harryd: cha der oo seose joarree harryd, nagh vel dty vraar.

Hebrewnee 2:14

Son wheesh eisht dy vel y chloan goaill ayrn jeh feill as fuill, ghow eshyn eh-hene myrgeddin ayrn jeh lheid cheddin: dy voddagh eh liorish baase eshyn y stroie va pooar y vaaish echey, ta shen, yn jouyl;

Joshua 10:36

As hie Joshua seose veih Eglon, as ooilley Israel mârish, gys Hebron; as ren ad caggey n’oï:

Briwnyn 9:2

Loayr-jee, ta mee guee erriu, ayns clashtyn ooilley deiney Shechem, Cre share te diu, ooilley mec Jerubbaal, (ta three-feed as jeih persoonyn,) na un dooinney dy reill harrishdiu? cooinee-jee myrgeddin dy nee mish fer jeh’n chraue as yn eill eu hene.