2 Samuel 4:7 - Yn Vible Casherick 1775 1819

⁷ Son tra haink ad stiagh ’sy thie, v’eh ny lhie er e lhiabbee ayns e hiamyr: as woaill ad as varr ad eh, as yiare ad yn kione jeh, as hug ad lhieu eh, as chossyn ad ersooyl raad yn aasagh fud-ny-hoie.

2 Samuel 4:7 ပူးပေါင်းရင်းမြစ်များ

2 Samuel 2:29

As huill Abner as e gheiney fud-ny-hoie shen trooid y thalloo-rea, as hie ad harrish Jordan, as jimmee ad trooid ooilley Bithron, as haink ad gys Mahanaim.

Exodus 8:3

As ver yn awin magh froggyn dy palchey, hed seose, as hig ad stiagh ayns dty hie, as ayns dty hiamyr-lhiabbagh, as er dty lhiabbee, as ayns thie dty harvaantyn, as er dty phobble, as ayns nyn ogheyn, as nyn siyn fuinnee.

Noo Mian 14:11

As va’n kione er ny choyrt er claare, as livreït gys y ven-aeg, as hug ish lh’ee eh gys e moir.

1 Samuel 17:51

Eisht roie David, as hass eh er y Philistine, as ghow eh e chliwe, as hayrn eh eh ass y fine, as varr eh eh, as yiare eh e chione jeh lesh. As tra honnick ny Philistinee dy row’n champion oc marroo, roie ad er-chea.

1 Samuel 17:54

As ghow David kione y Philistine, as hug eh lesh eh gys Jerusalem: agh hug eh yn eilley-caggee echey ayns e chabbane.

1 Samuel 31:9

As yiare ad e chione jeh, as rooisht ad jeh e eïlley-caggee, as hug ad fys gys cheer ny Philistinee ooilley mygeayrt dy hoilshaghey eh ayns thie ny jallooyn oc, as mastey’n pobble.