2 Samuel 4:5 - Yn Vible Casherick 1775 1819

⁵ As hie Rechab as Baanah, mec Rimmon yn Beerothite, as haink ad mysh chiass y laa gys thie Ish-bosheth, va ny lhie er lhiabbee ec y vun-laa.

2 Samuel 4:5 ပူးပေါင်းရင်းမြစ်များ

2 Samuel 11:2

As haink eh gy-kione er fastyr dy row, dy dirree David veih e lhiabbee, as huill eh er mullagh thie’n ree: as veih’n vullagh honnick eh ben faarkey ee-hene; as va’n ven feer aalin dy yeeaghyn urree.

2 Samuel 2:8

Agh Abner mac Ner, captan sheshaght-caggee Saul, ghow eh Ish-bosheth mac Saul, as hug eh lesh eh harrish gys Mahanaim:

2 Samuel 4:2

As v’ec mac Saul daa ghooinney va captanyn er sheshaghtyn-caggee; va ennym y derrey yeh Baanah, as ennym y jeh elley Rechab, mec da Rimmon ny Veerothite, jeh cloan Venjamin: (son va Beeroth myrgeddin bentyn gys Benjamin:

1 Reeaghyn 16:9

As ren e harvaant Zimri, (captan er lieh jeh ny fainee echey,) girree-magh n’oï myr v’eh ayns Tirzah, giu eh-hene er-meshtey ayns thie Arza, stiurt e hie ayns Tirzah.

2 Recortyssyn 24:25

As tra v’ad er n’immeeaght voish (son daag ad eh ayns doghanyn dewil) dirree ny sharvaantyn echey hene n’oï, son fuill mac Jehoiada yn saggyrt, as varr ad eh er e lhiabbee, as hooar eh baase: as doanluck ad eh ayns ard-valley Ghavid: agh cha nee ayns ny lhiaghtyn reeoil.

2 Recortyssyn 25:27

Nish lurg y traa hyndaa Amaziah ersooyl veih geiyrt er y Chiarn, dirree ad magh n’oï ayns Jerusalem, as chossyn eh roish gys Lachish: agh deiyr ad er gys Lachish, as varr ad eh ayns shen.

2 Recortyssyn 33:24

As dirree e harvaantyn magh n’oï, as varr ad eh ayns e hie hene.