2 Samuel 4:11 - Yn Vible Casherick 1775 1819

¹¹ Cre-woad smoo, tra ta drogh gheiney er varroo dooinney gyn-loght ayns e hie hene, er e lhiabbee? nagh goyms er-y-fa shen nish cooilleeney erriuish son yn uill echey, as shiuish y yiarey jeh veih’n thalloo?

2 Samuel 4:11 ပူးပေါင်းရင်းမြစ်များ

Genesis 4:11

As nish t’ou fo mollaght er y thalloo, t’er vosley e beeal dy ghoaill fuill dty vraarey veih dty laue.

Genesis 6:13

As dooyrt Jee rish Noah, Te roym dy choyrt jerrey er ooilley sheelnaue; son ta’n seihll kyndagh roo lhieent lesh tranlaase: as cur-my-ner stroie-ym ad marish y thalloo.

Genesis 7:23

As va dy chooilley nhee bio er ny stroie v’er eaghtyr y thallooin, chammah dooinney as baagh, as ny cretooryn snauee, as eeanlee yn aer; as v’ad er nyn stroie veih yn thalloo: as Noah, as adsyn va mârish ’syn arg va ynrycan faagit bio.

2 Samuel 16:8

Ta’n Chiarn e chooilleeney ort ooilley fuill thie Saul, ’syn ynnyd echey t’ou uss er reill, as ta’n Chiarn er livrey’n reeriaght gys laue Absalom dty vac: jeeagh nish, ta dty olkys hene er verraghtyn ort, son dy nee dooinney folley oo.

2 Samuel 3:27

As tra va Abner er jeet back gys Hebron, ghow Joab eh dy lhiattee ’sy yiat, myr-yien dy loayrt rish dy sheeoil, as woaill eh eh ayns shen fo’n wheiggoo asney, dy dooar eh baase, er coontey fuill Asahel e vraar.

2 Samuel 3:39

As ta mish nish faase, ga dy vel mee my ree ooilit; as ta ny deiney shoh mec Zeruiah ro chreoi er my hon: nee’n Chiarn y drogh-yantagh y chooilleeney cordail rish e olkys.

1 Reeaghyn 2:32

As nee’n Chiarn chyndaa yn uill echey er e chione hene, ren tuittym er daa ghooinney ny s’ynrick as ny share na eh-hene, as varr eh ad lesh y chliwe, gyn-yss da my ayr David, ta shen dy ghra, Abner mac Ner, captan sheshaght-caggee Israel, as Amasa mac Jether, captan sheshaght-caggee Yudah.

Psalmyn 109:15

As shoh, son nagh row e aigney dy yannoo mie: agh ren eh tranlaase er y voght gyn cooney, dy voddagh eh eshyn y stroie va seaghnit ayns cree.

Psalmyn 9:12

Son tra t’eh jannoo briaght son deayrtey fuill dyn loght, t’eh cooinaghtyn orroo: as cha vel eh jarrood accan ny ymmyrchee.

Exodus 21:12

Eshyn ta cur builley baaish da dooinney, bee eh dy shickyr er ny choyrt gy-baase.

Exodus 9:15

Son nish, neem’s my laue y heeyney magh dy woalley uss, as dty phobble lesh y phaitt; as bee oo giarit jeh veih’n thalloo.

Raaghyn Creeney 2:22

Agh bee ny mee-chrauee giarit jeh veih’n thalloo, as bee ny drogh-yantee astyrit ass.

Raaghyn Creeney 25:26

Son dooinney cairagh dy huittym roish ny mee-chrauee, t’eh myr farrane ta seiyt, as chibbyr brisht.

Jeremiah 10:11

Myr shoh jir shiu roosyn, Ny jeeghyn nagh ren ny niaughyn ny’n thalloo y chroo, nee ad shen eer cherraghtyn veih’n thalloo, as veih fo ny niaughyn shoh.

Habakkuk 1:12

Nagh vel uss er-dy-rieau, O Hiarn my Yee, my er-casherick? cha vow mayd baase: O Hiarn, t’ou er vaagail magh ad son briwnys; as, O Yee niartal, t’ou er chiarail ad cour smaghtaghey.

Habakkuk 1:4

Shen-y-fa ta’n leigh er ny lhaggaghey, as cha vel briwnys goll magh lesh bree: son ta ny mee-chrauee jannoo tranlaase er y vooinjer chairal: shen-y-fa ta briwnys aggairagh goaill niart.

1 Ean 3:12

Cha nee myr va Cain, va jeh’n drogh-er shen, as varr e vraar: As cre’n-fa varr eh eh? Er-yn-oyr dy row ny obbraghyn echey hene olk, as obbraghyn e vraarey cairagh.