2 Samuel 3:39 - Yn Vible Casherick 1775 1819

³⁹ As ta mish nish faase, ga dy vel mee my ree ooilit; as ta ny deiney shoh mec Zeruiah ro chreoi er my hon: nee’n Chiarn y drogh-yantagh y chooilleeney cordail rish e olkys.

2 Samuel 3:39 ပူးပေါင်းရင်းမြစ်များ

2 Samuel 16:10

As dooyrt y ree, Cre t’aym’s diuish nish dy yannoo er my hon, shiuish vec Zeruiah? Myr shen lhig da gweeaghyn, son dy vel y Chiarn er ghra rish, Gwee mollaght da David. Quoi ghoys er dy ghra, Cre hon t’ou er n’yannoo shoh?

2 Samuel 19:13

As abbyr-jee rish Amasa, Nagh vel uss jeh my chraue, as jeh my eill? Dy jean Jee myr shen rhym’s, as ny smoo neesht, mannagh bee uss ard-chaptan y cheshaght-chaggee aym’s choud’s bio oo, ayns ynnyd Yoab.

2 Samuel 19:22

As dooyrt David, Cre t’enish dy yannoo rhym’s ’sy chooish shoh, shiuish vec Zeruiah, dy ve wheesh m’oï er y laa shoh? Bee dooinney erbee er ny choyrt gy-baase er y laa jiu ayns Israel? son nagh vel fys aym dy vel mee nish my ree harrish Israel?

2 Samuel 3:38

As dooyrt y ree rish e harvaantyn, Nagh vel fys euish dy vel prince as ard-ghooinney er duittym er yn laa jiu ayns Israel?

1 Reeaghyn 2:32

As nee’n Chiarn chyndaa yn uill echey er e chione hene, ren tuittym er daa ghooinney ny s’ynrick as ny share na eh-hene, as varr eh ad lesh y chliwe, gyn-yss da my ayr David, ta shen dy ghra, Abner mac Ner, captan sheshaght-caggee Israel, as Amasa mac Jether, captan sheshaght-caggee Yudah.

1 Reeaghyn 2:9

Nish er-y-fa shen ny cum uss eh gyn loght, son t’ou uss dooinney creeney, as fys ayd er cre lhisagh oo y yannoo rish; agh lhig da’n kione lheeah echeysyn goll sheese lesh fuill gys yn oaie.

1 Recortyssyn 22:5

As dooyrt David, Ta my vac Solomon aeg as meiygh, as y thie ta dy ve troggit da’n Chiarn, te dy ve yindyssagh ard as aalin, gloyroil as jeh goo mooar trooid dy chooilley heer: nish er-y-fa shen neem’s kiarail er e hon. Myr shen hooar David aarloo palchey jeh dy chooilley nhee ymmyrchagh roish e vaase.

1 Recortyssyn 29:1

Eisht dooyrt David y ree rish ooilley’n cheshaght, Ta Solomon my vac, eh ynrycan ta Jee er reih, foast aeg as meiygh, as ta’n obbyr mooar: son cha vel y phlaase son dooinney, agh son y Chiarn Jee.

2 Recortyssyn 13:7

As t’eh er haglym huggey deiney eddrym cloan Velial, ta er niartaghey ad-hene noi Rehoboam mac Solomon, tra va Rehoboam aeg, as lhag-chreeagh, as nagh voddagh eh shassoo nyn ’oï.

Psalmyn 101:8

Ta my hooillyn jeeaghyn orroosyn ta ynrick ’sy cheer: dy vod ad cummal mârym.

Psalmyn 28:4

Cur daue nyn leagh cordail rish nyn yannoo: as cordail rish olkys ny croutyn oc hene.

Psalmyn 62:12

As dy vel uss, Hiarn, myghinagh: son t’ou cooilleeney dy chooilley ghooinney cordail rish e obbyr.

Psalmyn 7:16

T’eh er vosley as er chleiy ooig: as t’eh hene er duittym ayns y ribbey v’eh kiarail da fer elley.

Psalmyn 75:10

Er son y drundin echey: nee ooilley mee-chrauee y theihll ad y iu, as y yiole ass.

Exodus 21:12

Eshyn ta cur builley baaish da dooinney, bee eh dy shickyr er ny choyrt gy-baase.

Raaghyn Creeney 20:8

Yn ree ta ny hoie er stoyl y vriwnys, t’eh skeayley ersooyl dy chooilley olk lesh e hooillyn.

Raaghyn Creeney 25:5

Scugh ny mee-chrauee veih fenish y ree, as bee e stoyl-reeoil er ny niartaghey ayns cairys.

Isaiah 3:11

Smerg da’n drogh ghooinney! hig eshyn jeh dy doogh; son bee leagh e laueyn er ny choyrt da.

Isaiah 7:4

As abbyr rish, Gow tastey, as bee ec fea; ny bee aggle ort, chamoo bee lhag-chreeagh, kyndagh rish daa amman jaaghagh ny maidjyn losht shoh, kyndagh rish farg eulyssagh Rezin marish Syria, as mac Remaliah.

Jeremiah 38:5

Eisht dooyrt Zedekiah yn ree, Cur-my-ner, t’eh ayns y laue eu: son cha nee yn ree oddys nhee erbee y yannoo noi nyn aigney.

Daniel 6:16

Eisht doardee yn ree, as hug ad lhieu Daniel, as hilg ad eh ayns ooig ny lionyn: nish loayr y ree, as dooyrt eh rish Daniel, Nee dty Yee t’ou uss dy hirveish dy kinjagh uss y livrey.

Earrooyn 32:23

Agh mannagh jean shiu shoh, cur-my-ner, nee shiu peccah noi’n Chiarn: as bee shiu shickyr dy jean nyn beccah berraghtyn erriu.

Romanee 13:4

Son shirveishagh Yee eh dhyt’s son foays. Agh my t’ou jannoo shen ta olk, gow aggle; son cha vel eh gymmyrkey yn cliwe ayns fardail: son sharvaant Yee eh, fer ta coamrit lesh pooar dy ghoaill cooilleen ersyn ta jannoo olk.

2 Timothy 4:14

Ta Alexander yn gaaue-copper er n’yannoo dooys mooarane olk: nee’n Chiarn eh y chooilleeney cordail rish e obbraghyn.

Briwnyn 9:57

As ooilley’n olk ren deiney Shechem ren Jee y chooilleeney er nyn ghing hene: as orroo nyn-neesht haink mollaght Jotham mac Jerubbaal.