2 Samuel 3:36 - Yn Vible Casherick 1775 1819

³⁶ As cheayll ooilley’n pobble shoh, as by-haittin lhieu eh: son shen ny va aigney’n ree va’n pobble booiagh lesh.

2 Samuel 3:36 ပူးပေါင်းရင်းမြစ်များ

2 Samuel 15:13

As haink chaghter gys David, gra, Ta creeaghyn deiney Israel soit er Absalom.

2 Samuel 15:6

As er yn aght shoh ren Absalom rish ooilley Israel, haink gys y ree son briwnys. Myr shoh chleayn Absalom creeaghyn deiney Israel.

2 Samuel 3:35

As tra haink y pobble dy gherjaghey David, as dy ghoaill beaghey mârish er y laa cheddin, ren David breearrey, gra, Myr shen as ny smoo dy jean Jee rhym’s, my neem’s arran ny nhee erbee elley y ghoaill, roish lhie ny greïney.

2 Samuel 3:37

Son hoig ooilley’n pobble, as ooilley Israel, er yn laa shen, nagh nee lesh aigney’n ree ve dy row Abner mac Ner er ny choyrt gy-baase.

Psalmyn 62:9

Er son cloan gheiney, cha vel ad agh fardail: ta cloan gheiney molteyragh er ny meihaghyn, t’ad ooilley-cooidjagh ny s’eddrym na fardalys hene.

Noo Mark 7:37

As v’ad erskyn-towse atchimagh, gra, T’eh er n’yannoo dy chooilley nhee dy mie: t’eh cur chammah er ny beuyr dy chlashtyn, as ny balloo dy loayrt.