2 Samuel 3:35 - Yn Vible Casherick 1775 1819

³⁵ As tra haink y pobble dy gherjaghey David, as dy ghoaill beaghey mârish er y laa cheddin, ren David breearrey, gra, Myr shen as ny smoo dy jean Jee rhym’s, my neem’s arran ny nhee erbee elley y ghoaill, roish lhie ny greïney.

2 Samuel 3:35 ပူးပေါင်းရင်းမြစ်များ

2 Samuel 1:12

As ren ad dobberan as keayney, as hrosht ad derrey’n astyr, son Saul as son Jonathan e vac, as son pobble y Chiarn, as son thie Israel; er-yn-oyr dy row ad er duittym lesh y chliwe.

2 Samuel 12:17

As haink shanstyr e hie huggey, dy hroggal eh veih’n thalloo: agh cha jinnagh eh girree, ny goaill beaghey mâroo.

2 Samuel 3:34

Dty laueyn cha row kianlt, ny yiarnyn er dty chassyn: myr ta dooinney tuittym liorish deiney folley, shen myr ren uss tuittym. As cheayn ooilley’n pobble reesht harrish.

2 Samuel 3:36

As cheayll ooilley’n pobble shoh, as by-haittin lhieu eh: son shen ny va aigney’n ree va’n pobble booiagh lesh.

2 Samuel 3:9

Dy jean Jee myr shen rish Abner as ny smoo neesht, mannagh jean-yms son David, myr ta’n Chiarn er vreearrey da;

1 Recortyssyn 10:12

Dirree ooilley ny deiney niartal, as ghow ad ersooyl corp Saul, as kirp ny mec echey, as hug ad lhieu ad gys Jabesh; as doanluck ad ny craueyn oc fo’n villey-darragh t’ayns Jabesh, as ren ad trostey shiaght laa.

Jeremiah 16:7

Chamoo vees arran er ny vrishey er nyn son ayns trimshey, dy gherjaghey ad son ny merriu; chamoo ver deiney daue yn cappan dy gherjagh dy iu son ayr ny moir.

Ezekiel 24:17

Shaghyn dty cheayney, ny jean dobberan erbee son ny merriu, kiangle ort coamrey dty chione, as cur dty vraagyn er dty chassyn, as ny coodee dty veillyn, as ny ee arran ny trimshee.

Ezekiel 24:22

As nee shiuish myr ta mish er n’yannoo, cha jean shiu nyn meillyn y choodaghey, chamoo nee shiu gee arran ny trimshee.

Briwnyn 20:23

(As hie cloan Israel seose, as ren ad dobberan fenish y Chiarn, derrey’n astyr, as hir ad coyrle jeh’n Chiarn, gra, Jem seose reesht dy chaggey noi cloan Venjamin my vraar? As dooyrt y Chiarn, Gow seose n’oï.)

Briwnyn 20:26

Eisht hie ooilley cloan Israel seose, as haink ad gys thie Yee, as hoie ad ayns shen dobberan kiongoyrt rish y Chiarn, as hrosht ad yn laa shen derrey’n astyr, as heb ad ourallyn-losht as ourallyn-shee kiongoyrt rish y Chiarn.

Ruth 1:17

Raad yioys [oo] baase, yioyms baase, as shen y raad bee’m oanluckit: shoh as ny smoo dy der y Chiarn orrym, my nee veg agh y baase scarrey uss as mish.

1 Samuel 3:17

As dooyrt eh, Cre shen ta’n Chiarn er ghra rhyt? ta mee guee ort, ny keill eh voym’s: dy jean Jee myr shen rhyt, as ny smoo neesht, my nee oo fockle hene y cheiltyn voym jeh ooilley ny dooyrt eh rhyt.