2 Samuel 3:31 - Yn Vible Casherick 1775 1819

³¹ As dooyrt David rish Joab, as ooilley’n pobble va mârish, Raip-jee nyn goamraghyn, as cur-jee aanrit-sack miu, as jean-jee dobberan roish Abner. As huill ree David eh-hene geiyrt er y charbyd.

2 Samuel 3:31 ပူးပေါင်းရင်းမြစ်များ

Genesis 37:29

As hyndaa Reuben reesht gys yn ooig; as cur-my-ner, cha row Joseph ayns yn ooig; as raip eh e choamraghyn.

Genesis 37:34

As raip Jacob e choamraghyn, as hug eh aanrit-sack er e veeghyn, as ren eh dobberan son e vac ymmodee laghyn.

2 Samuel 1:11

Eisht ghow David greme er e choamraghyn, as raip eh ad; as myrgeddin ren ooilley ny deiney va mârish.

2 Samuel 1:2

Haink eh eer gy-kione er yn trass laa, dy daink dooinney veih camp Saul, lesh e choamrey raipit, as ooir er e chione: as tra haink eh fenish Ghavid, dy chroym eh gys y thalloo, as ren eh biallys.

1 Reeaghyn 20:31

As dooyrt e harvaantyn rish, Cur-my-ner nish, ta shin er chlashtyn dy vel reeaghyn thie Israel reeaghyn myghinagh: lhig dooin, ta mee guee ort, cur aanrit-sack er nyn meeghyn, as teddyn mysh nyn mwannal, as goll magh gys ree Israel; foddee, dy saue-ee eh dty vioys.

1 Reeaghyn 21:27

As haink eh gy-kione, tra cheayll Ahab ny goan shoh, dy raip eh e choamraghyn, as chur eh aanrit-sack er e chorp, as hrosht eh, as lhie eh ayns aanrit-sack, as huill eh dy trimshagh.

2 Reeaghyn 19:1

As haink eh gy-kione tra cheayll Hezekiah shoh, dy raip eh e choamrey, as choadee eh eh-hene lesh aanrit-sack, as hie eh stiagh ayns thie yn Chiarn.

2 Reeaghyn 19:2

As hug eh Eliakim, va harrish yn lught-thie, as Shebna yn scrudeyr, as ard-gheiney ny saggyrtyn, coamrit lesh aanrit-sack, gys Isaiah yn phadeyr mac Amoz.

Noo Luke 7:14

As haink eh, as venn eh rish y carbyd (as hass adsyn va fo) as dooyrt eh, Ghooinney aeg, ta mee gra rhyt, Irree.

Joshua 7:6

As raip Joshua e choamrey, as huitt eh er e eddin gys yn ooir, kiongoyrt rish arg y Chiarn, derrey’n astyr, eh-hene as shanstyryn Israel, as hug ad joan er nyn ghing.

Ashlish 11:3

As ver-yms pooar da my ghaa eanish, as nee ad phadeyrys thousane daa cheead as three-feed laa coamrit ayns aanrit-sack.

Briwnyn 11:35

As haink eh gy-kione tra honnick eh ee, dy raip eh e eaddagh, as dooyrt eh, Aless, my inneen! t’ou er my injillaghey dy treih, as er hayrn seaghyn trome orrym: son ta mee er vosley my veeal ayns breearrey gys y Chiarn, as cha voddym goll n’oï.