2 Samuel 3:3 - Yn Vible Casherick 1775 1819

³ As yn nah er Chileab, rish Abigail va ben Nabal yn Carmelite; as yn trass Absalom, mac Maacah inneen Talmai ree Yeshur:

2 Samuel 3:3 ပူးပေါင်းရင်းမြစ်များ

2 Samuel 13:1

As haink eh gy-kione lurg shoh, dy row ec Absalom mac Ghavid shuyr feer aalin, va’n ennym eck Tamar; as va Amnon mac Ghavid ayns graih r’ee.

2 Samuel 14:23

Myr shoh hrog Joab er, as hie eh gys Geshur, as hug eh lesh Absalom gys Jerusalem.

2 Samuel 14:24

As dooyrt yn ree, Lhig eh goll gys e hie hene, as ny lhig da m’eddin’s y akin. Myr shoh hyndaa Absalom gys e hie hene, as cha ren eh fakin eddin y ree.

2 Samuel 14:32

As dreggyr Absalom Joab, Cur-my-ner hug mee fys ort, gra, Tar hym, dy gholl er chaghteraght dou gys y ree, as dy ghra rish, Cre’n-fa ta mee er jeet veih Geshur? veagh eh ny bare dou dy ve er vuirriaght raad va mee: nish, er-y-fa shen, lhig dou cheet fenish y ree; as my ta neu-chairys erbee aynym, lhig da goaill my vioys.

2 Samuel 15:7

As haink eh gy-kione, lurg kiare bleeaney, dy dooyrt Absalom rish y ree, Ta mee guee ort, lhig dou goll gys Hebron dy chooilleeney my vreearrey ta mee er n’yannoo da’n Chiarn,

2 Samuel 15:8

Son ren dty harvaant breearrey ’yannoo tra va mee ec Geshur ayns Syria, gra, My ver y Chiarn lesh mee reesht eer gys Jerusalem, eisht neem’s shirveish y Chiarn.

2 Samuel 18:33

As va’n ree erskyn-towse seaghnit, as hie eh seose gys e hiamyr harrish y yiat, as cheayn eh; as myr v’eh goll, shoh myr dooyrt eh, O my vac Absalom! my vac, my vac Absalom! dy baillish Jee dy beign’s er gheddyn baase er dty hon, O Absalom, my vac, my vac!

2 Samuel 2:2

Er shoh hie David seose gys shen, as e ghaa ven mârish, Ahinoam yn Jezreelite, as Abigail ben Nabal yn Carmelite.

1 Reeaghyn 1:6

As cha row e ayr er ve jymmoosagh rish ec traa erbee, ayns gra, Cre’n-fa t’ou er n’yannoo myr shoh? as v’eh myrgeddin ny ghooinney feer stoamey; as rug e voir eh lurg Absalom.

1 Reeaghyn 2:15

As dooyrt eh, Ta fys ayd’s dy row yn reeriaght lhiam’s, as dy ren ooilley Israel soiaghey nyn eddinyn orrym, dy beign’s dy reill: ny-yeih ta’n reeriaght er ny hyndaa, as er jeet dy ve lesh my vraar; son ve leshyn veih’n Chiarn.

1 Recortyssyn 3:1

Nish v’ad shoh mec Ghavid, va ruggit da ayns Hebron; yn chied er Amnon, jeh Ahinoam yn Jezreelite: yn nah er Daniel, jeh Abigail y Carmelite:

1 Recortyssyn 3:2

Yn trass er Absalom, mac Maachah, inneen Talmai, ree Gheshur: yn chiarroo, Adonijah mac Haggith:

Deuteronomy 3:14

Ghow Jair mac Vanasseh ooilley cheer Argob, choud’s ardjyn Geshuri, as Maachathi, as denmys eh ad lurg e ennym hene, Bashan-havoth-jair, gys y laa jiu.

Joshua 13:13

Ny-yeih cha row cloan Israel er n’eiyrt magh ny Geshuriteyn, as ny Maachathiteyn: agh ta ny Geshuriteyn, as ny Maachathiteyn cummal mastey ny Israeliteyn gys y laa t’ayn jiu.

1 Samuel 25:3

Nish va ennym y dooinney Nabal, as ennym e ven, Abigail: as v’ee ben chreeney as tushtagh, as feer aalin: agh va’n dooinney creoi, mooaralagh, as tranlaasagh ayns e ghellal, as v’eh jeh kynney Chaleb.

1 Samuel 25:42

As ren Abigail siyr, as hrog ee urree, as vark ee er assyl, marish queig mraane aegey mâree, as deiyr ee er chaghteryn Ghavid, as haink ee dy ve e ven.

1 Samuel 27:8

As hie David as e gheiney seose, as vrish ad stiagh er ny Geshuriteyn, as ny Gezriteyn, as ny Amalekiteyn: son va ny ashoonyn cheddin son foddey dy hraa shenn chummaltee’n cheer, myr t’ou goll gys Shur, eer gys Egypt.