2 Samuel 3:25 - Yn Vible Casherick 1775 1819

²⁵ Shione dhyt Abner mac Ner, dy daink eh dy dty volley, as er-chee dy yannoo stiagh rhyt, dy gheddyn magh dty choyrleyn follit.

2 Samuel 3:25 ပူးပေါင်းရင်းမြစ်များ

Genesis 42:12

As dooyrt eh roo, Cha nee, agh dy akin boghtynid y cheer ta shiu er jeet.

Genesis 42:16

Lhig da fer jiu goll, as nyn mraar y choyrt lesh, as bee shiuish freilt ayns pryssoon, dy vod ny goan eu ve er ny phrowal, vel firrinys erbee ayndoo: er-nonney, der bioys Pharaoh, she peeikearyn shiu.

Genesis 42:9

As chooinee Joseph er ny dreamallyn v’echey jeusyn, as dooyrt eh roo, She peeikearyn follit shiu: dy akin boghtynid y cheer ta shiu er jeet.

2 Samuel 10:3

As dooyrt princeyn cloan Ammon rish Hanun nyn jiarn, Vel uss smooinaghtyn dy nee er graih dt’ayrey ta David er choyrt fir-gherjee hood’s? nagh nee son shoh t’eh er choyrt e harvaantyn hood, dy ghoaill baght jeh’n ard-valley, as dy scrial magh eh, er-chee dy stroie eh?

2 Samuel 3:24

Eisht haink Joab gys y ree, as dooyrt eh, Cre shoh t’ou er n’yannoo? cur-my-ner, haink Abner hood; cre’n-fa lhig oo yn raad da, as dy vel eh er chosney roish.

2 Samuel 3:26

As tra va Joab er jeet magh veih David, hug eh chaghteryn er-eiyrt’s Abner, hug lhieu reesht eh veih chibbyr Sirah: agh ve gyn-yss da David.

2 Samuel 3:27

As tra va Abner er jeet back gys Hebron, ghow Joab eh dy lhiattee ’sy yiat, myr-yien dy loayrt rish dy sheeoil, as woaill eh eh ayns shen fo’n wheiggoo asney, dy dooar eh baase, er coontey fuill Asahel e vraar.

2 Reeaghyn 18:32

Derrey hig-yms as shiuish y ghoaill ersooyl gys cheer goll-rish y cheer eu hene, cheer dy arroo as dy feeyn, cheer dy arran as dy gharaghyn-feeyney, cheer dy ooil-olive as dy vill, dy vod shiu ve bio as gyn baase y gheddyn: as ny cur-jee geill da Hezekiah, tra t’eh cur erriu credjal, gra, Nee’n Chiarn shin y livrey.

Psalmyn 121:8

Freillee yn Chiarn dty gholl magh as dty heet stiagh: veih’n traa shoh magh er son dy bragh.

Isaiah 37:28

Agh shione dooys dty oayll as dty gholl magh as dty heet stiagh, as dty eulys m’oï.

Earrooyn 27:17

Oddys goll magh as stiagh roue, as dy leeideil ad magh, as dy choyrt lesh ad stiagh: nagh bee sheshaght y Chiarn myr kirree fegooish bochilley.

Noo Ean 7:12

As va lane argane mastey yn pobble mychione echey: son va paart gra, She dooinney mie eh: as feallagh elley gra, Cha nee; agh t’eh molley yn pobble.

Noo Ean 7:47

Eisht dreggyr ny Phariseeyn ad, Vel shiuish myrgeddin er nyn molley?

Romanee 2:1

Shen-y-fa t’ou fegooish leshtal, O ghooinney, quoi-erbee oo hene ta briwnys: son ayns ny t’ou briwnys fer elley, t’ou deyrey oo hene; son uss ta briwnys, t’ou jannoo ny reddyn cheddin.

Deuteronomy 28:6

Bannit vees oo, tra hig oo stiagh, as bannit vees oo, tra hed oo magh.