2 Samuel 3:21 - Yn Vible Casherick 1775 1819

²¹ As dooyrt Abner rish David, Trog-yms orrym, as hem roym, as goym ayns laue dy hayrn cooidjagh ooilley Israel gys my hiarn yn ree, dy yannoo conaant rhyt, as dy vod oo reill harrish ooilley ny ta dty chree dy yeearree. As lhig David y raad da Abner; as hie eh roish ayns shee.

2 Samuel 3:21 ပူးပေါင်းရင်းမြစ်များ

2 Samuel 2:9

As ren eh eh ny ree harrish Gilead, as harrish ny Ashuriteyn, as harrish Jezreel, as harrish Ephraim, as harrish Benjamin, as harrish ooilley Israel.

2 Samuel 3:10

Dy chaghlaa’n reeriaght veih thie Saul, as dy hoiaghey seose stoyl-reeoil Ghavid harrish Israel, as harrish Judah, veih Dan eer gys Beer-sheba.

2 Samuel 3:12

As hug Abner chaghteryn gys David ass e lieh, gra, Quoi s’liesh y cheer? gra myrgeddin, Jean coardail rhym, as cur-my-ner bee my laue mayrt, dy chur lesh ooilley Israel mygeayrt hood.

2 Samuel 3:20

Er shoh haink Abner gys David gys Hebron, as feed dooinney mârish: as ren David cuirraghyn da Abner, as da ny deiney va mârish.

2 Samuel 5:3

Myr shoh haink ooilley shanstyr Israel stiagh gys y ree ec Hebron; as ren ree David conaant roo ayns Hebron fenish y Chiarn: as ren ad David y ooilaghey ny ree harrish Israel.

1 Reeaghyn 11:37

As nee’m uss y ghoaill, as nee oo reill, rere ooilley yeearree dt’annym, as bee oo dty ree er Israel.

Psalmyn 20:4

Dy der eh dhyt yeearree dty chree: as ooilley dt’aigney ’chooilleeney.

Philippianee 2:21

Son ta ooilley er nyn son hene, cha nee son ny reddyn ta bentyn rish Yeesey Creest.