2 Samuel 3:1 - Yn Vible Casherick 1775 1819

¹ Nish son earish foddey va caggey eddyr thie Saul as thie Ghavid: agh daase David ny s’troshey as ny s’troshey, as lheïe thie Saul ny s’lhag as ny s’lhag.

2 Samuel 3:1 ပူးပေါင်းရင်းမြစ်များ

Genesis 3:15

As ver-yms noidys eddyr uss as y ven, as eddyr y sluight ayd’s, as y sluight eck’s: nee eshyn y kione ayd’s y vroo, as nee uss broo yn voyn echeysyn.

2 Samuel 2:17

As va magher feer dewil ayn er y laa shen: as chossyn sharvaantyn Ghavid y laa er Abner, as er deiney Israel.

2 Samuel 2:28

Myr shen ren Joab sheidey trumpet, as hault ooilley’n pobble, as cha deiyr ad er Israel ny sodjey, as va’n caggey ec kione.

2 Samuel 22:44

Veih anvea my phobble t’ou myrgeddin er my livrey, t’ou er my reayll dy ve kione ny ashoonyn: nee pobble nagh nione dou mish y hirveish.

2 Samuel 3:6

As haink eh gy-kione, choud’s va caggey eddyr thie Saul as thie Ghavid, dy hass Abner seose dy dunnal son thie Saul.

2 Samuel 5:10

As hie David er e hoshiaght, as haink eh lesh dy mie; as va’n Chiarn Jee dy heshaght-flaunyss mârish.

1 Reeaghyn 14:30

As va caggey eddyr Rehoboam as Jeroboam ooilley nyn laghyn.

1 Reeaghyn 15:16

As va caggey eddyr Asa as Baasha ree Israel, ooilley nyn laghyn.

1 Reeaghyn 15:32

As va caggey eddyr Asa as Baasha ree Israel ooilley nyn laghyn.

1 Recortyssyn 11:9

Myr shen daase David ny s’troshey as ny s’troshey: son va’n Chiarn y cheshaght-chaggee mârish.

1 Recortyssyn 3:1

Nish v’ad shoh mec Ghavid, va ruggit da ayns Hebron; yn chied er Amnon, jeh Ahinoam yn Jezreelite: yn nah er Daniel, jeh Abigail y Carmelite:

Esther 6:13

As dinsh Haman da Zeresh e ven, as da ooilley e chaarjyn, dy chooilley nhee v’er daghyrt da. Eisht dooyrt e gheiney creeney, as Zeresh e ven, rish, My ta Mordecai jeh sluight ny Hewnyn, roishyn t’ou er n’yannoo toshiaght dy huittym, cha vod oo cosney er, agh tuittee oo son shickyrys fosyn.

Esther 9:4

Son va Mordecai pooaral ayns thie yn ree, as hie goo jeh magh trooid ooilley ny cheeraghyn: son daase y dooinney shoh Mordecai ny smoo as ny smoo.

Lioar Yob 17:9

Nee yn er-crauee myrgeddin cummal gys e raad, as aasee ny laueyn glen ny s’troshey as ny s’troshey.

Lioar Yob 8:7

Ga dy row dty hoshiaght fardalagh, ny-yeih veagh dty yerrey dy mooar er ny vannaghey.

Psalmyn 18:43

Nee uss m’y livrey veih anvea yn phobble: as ver oo orrym dy ve kione ny ashoonyn.

Psalmyn 46:9

T’eh cur er caggaghyn dy scuirr ayns ooilley yn seihll: t’eh brishey yn bow, as giarey yn shleiy dy peeshyn, as lostey ny fainaghyn ’syn aile.

Psalmyn 84:7

Hed ad veih niart gys niart: as ta dagh unnane oc chebbal eh-hene fenish yn Jee dy Yeeghyn ayns Sion.

Galatianee 5:17

Son ta’n eill geearree noi’n Spyrryd, as yn Spyrryd noi’n eill: as t’ad shoh soit yn derrey yeh noi’n jeh elley: myr shen nagh vel shiu jannoo myr bailliu.

Ephesianee 6:12

Son cha vel shin gleck noi feill as fuill, agh noi ard-reiltee, noi pooaraghyn, noi leeideilee dorraghys y theihll shoh, noi olkys spyrrydoil ayns ny ardjyn er-nyn-skyn.

Ashlish 6:2

As yeeagh mee, as cur-my-ner, cabbyl bane; as va bow echeysyn va ny hoie er, as va attey er ny choyrt da, as hie eh magh lesh barriaght, as dy gheddyn barriaght.