2 Samuel 24:7 - Yn Vible Casherick 1775 1819

⁷ As haink ad gys cashtal lajer Tyre, as gys ooilley ard-valjyn ny Hiviteyn, as ny Canaaniteyn: as hie ad magh my-yiass jeh Judah, eer gys Beer-sheba.

2 Samuel 24:7 ပူးပေါင်းရင်းမြစ်များ

2 Samuel 24:2

Son va’n ree er ghra rish Joab captan e heshaght-chaggee, va mârish, Immee nish trooid ooilley tribeyn Israel, veih Dan eer gys Beer-sheba, as gow-jee coontey’n pobble, dy vod fys ve aym cre ta’n earroo oc.

2 Samuel 24:8

Myr shen tra v’ad er n’gholl trooid ooilley’n cheer, haink ad gys Jerusalem ec kione nuy meeaghyn as feed laa.

Zechariah 9:3

As hrog Tyrus jee hene cashtal lajer, as hasht ee seose argid myr y joan, as airh ghlen myr laagh ny straïdyn.

Joshua 11:3

As gys y Chanaanite er cheu-har as cheu-heear, as gys yn Amorite, as yn Hittite, as y Perizzite, as y Jebusite ayns ny sleityn, as gys yn Hivite fo Hermon, ayns cheer Vispeh.

Joshua 19:28

As Hebron, as Rehob, as Hammon, as Kanah, choud as Zidon mooar;

Joshua 19:29

Eisht ta’n chagliagh chyndaa gys Ramah, as gys ard-valley lajer Tyre; as veih shen gys Hosah; as ta’n kione echey ec y cheayn, veih’n traie gys Achzib:

Joshua 9:1

As haink eh gy-kione, tra cheayll ooilley ny reeaghyn va er cheu shoh dy Yordan jeh, ayns ny sleityn, as ayns ny coanyn, as ayns ooilley slystyn yn aarkey vooar jeeragh er Lebanon, yn Hittite, as yn Amorite, yn Canaanite, yn Perizzite, yn Hivite, as y Jebusite.

Joshua 9:7

As dooyrt ard-gheiney Israel rish ny Hiviteyn, Foddee dy vel shiuish cummaltee yn cheer shoh; as kys oddys mayd coardail ’yannoo riu?

Briwnyn 3:3

Ta shen, queig chiarnyn jeh ny Philistinee, as ooilley ny Canaaniteyn, as ny Sidonianee, as ny Hiviteyn va cummal ayns slieau Lebanon, veih slieau Baal-hermon derrey hig oo gys Hamath.