2 Samuel 24:3 - Yn Vible Casherick 1775 1819

³ As dooyrt Joab rish y ree, Nish dy jean y Chiarn dty Yee bishaghey yn pobble, (cre-erbee t’ad ayns earroo,) keead-filley, as dy vod sooillyn my hiarn y ree fakin eh: agh cre’n-fa ta my hiarn y ree goaill taitnys dy yannoo shoh?

2 Samuel 24:3 ပူးပေါင်းရင်းမြစ်များ

2 Samuel 10:12

Bee jeh cree mie, as lhig dooin caggey myr deiney son y pobble ain, as son ard-valjyn y Jee ain: as aigney-mie’n Chiarn dy row jeant.

2 Samuel 24:4

Agh son shoh as ooilley, ghow goan y ree raad noi Joab, as noi captanyn y cheshaght-chaggee: as hie Joab as captanyn y cheshaght magh veih fenish y ree, dy ghoaill earroo pobble Israel.

Psalmyn 115:14

Nee’n Chiarn shiuish y vishaghey ny smoo as ny smoo: shiuish as nyn gloan.

Raaghyn Creeney 14:28

Ayns ymmodee pobble ta ooashley yn ree: agh ayns genney deiney ta prince goll naardey.

Isaiah 60:5

Eisht ver oo my-ner, as nee shiu lhieeney stiagh myr thooilley, as nee dty chree roie harrish lesh atchim as boggey; er-yn-oyr dy bee sleih, myr roayrt ny marrey, er ny hyndaa hood’s, nee niart ny ashoonee cheet stiagh hood.

Deuteronomy 1:11

(Dy der Jee nyn ayraghyn diuish dy ve thousane keayrt smoo na ta shiu, as dy bannee eh shiu myr yiall eh diu).