2 Samuel 24:25 - Yn Vible Casherick 1775 1819

²⁵ As hrog David ayns shen altar gys y Chiarn, as heb eh ourallyn-losht, as ourallyn-shee. Er shoh va’n Chiarn chymmoil da’n cheer, as va’n plague er ny chastey veih Israel.

2 Samuel 24:25 ပူးပေါင်းရင်းမြစ်များ

Genesis 12:7

As ren y Chiarn eh hene y hoilshaghey da Abram, as dooyrt eh, Da dty luight’s ver-yms yn cheer shoh: as ayns shen hrog eh altar da’n Chiarn, ren eh hene y hoilshaghey da.

Genesis 22:9

As haink ad gys y voayl va Jee er hoilshaghey da, as hrog Abraham altar ayns shen, as chiartee eh yn fuygh, as chiangle eh Isaac e vac, as hug eh ny lhie eh er y fuygh v’er yn altar.

Genesis 8:20

As hrog Noah altar da’n Chiarn, as ghow eh jeh dagh baagh glen, as jeh dagh eean glen, as heb eh ourallyn-losht er yn altar.

2 Samuel 21:14

As craueyn Saul as Yonathan e vac, doanluck ad ayns cheer Venjamin ayns Zelah, ayns lhiaght Kish e ayr; as chooilleen ad ooilley ny ren y ree y harey: as ny lurg shen va Jee foayroil da’n cheer.

2 Samuel 24:14

As dooyrt David rish Gad, Ta mee ayns chennid vooar: lhig dooin nish tuittym fo laue’n Chiarn, (son ta e vyghinyn mooar,) as ny lhig dou tuittym ayns laue dooinney.

1 Reeaghyn 1:1

Nish va’n ree David shenn as er roie dy mie ayns eash; as choodee ad eh lesh eaddeeyn, agh cha dooar eh veg y chiass.

Ezekiel 16:42

Myr shen bee my eulys dt’oï ec fea, as hed my eadolys voïd, as bee’m ec m’aash, as cha bee’m arragh jymmoosagh rhyt.

Earrooyn 17:13

Quoi-erbee ta goaill er dy heet coair cabbane casherick y Chiarn, bee eh er ny stroie: Vel shinyn (ooilley neesht) dy ve er ayn goyrt gy-baase?

Briwnyn 21:4

As haink eh gy-kione laa-ny-vairagh, dy dirree yn pobble dy moghey, as hrog ad altar ayns shen, as heb ad ourallyn-losht, as ourallyn-shee.

Briwnyn 6:24

Eisht hrog Gideon altar ayns shen gys y Chiarn, denmys eh eh Jehovah-shalom: gys y laa jiu te foast ayns Ophrah jeh ny Abiezriteyn.

1 Samuel 13:9

As dooyrt Saul, Cur-jee lhieu hym gys shoh oural-losht as ourallyn-shee. As heb eh yn oural-losht.

1 Samuel 14:35

As hrog Saul altar gys y Chiarn: shen va’n chied altar hrog eh gys y Chiarn.

1 Samuel 7:17

As haink eh reesht gys Ramah; son shen y raad va e chummal: as ayns shen v’eh briwnys Israel; as ayns shen hrog eh altar gys y Chiarn.

1 Samuel 7:9

As ghow Samuel eayn jeh’n cheyrrey, as heb eh eh son slane oural-losht gys y Chiarn; as deïe Samuel gys y Chiarn ayns lieh Israel; as hug y Chiarn clashtyn da.