2 Samuel 24:2 - Yn Vible Casherick 1775 1819

² Son va’n ree er ghra rish Joab captan e heshaght-chaggee, va mârish, Immee nish trooid ooilley tribeyn Israel, veih Dan eer gys Beer-sheba, as gow-jee coontey’n pobble, dy vod fys ve aym cre ta’n earroo oc.

2 Samuel 24:2 ပူးပေါင်းရင်းမြစ်များ

Genesis 21:14

As dirree Abraham seose feer voghey, as ghow er arran, as boteil dy ushtey, as hug eh ad da Hagar [coyrt ad er e geaylin] as y lhiannoo, as hug eh ee ersooyl: as jimmee ee ro-ee, as hiee er-shaghryn noon as noal ayns faasagh Beer-sheba.

2 Samuel 17:11

Shen-y-fa my choyrle’s eh, dy bee ooilley Israel er nyn jaglym hood’s, veih Dan eer gys Beer-sheba, myr y gheinnagh ta rish oirr ny marrey ayns earroo, as dy jed oo-hene gys y chaggey ec y chione oc.

2 Samuel 2:13

As hie Joab mac Zeruiah, as sharvaantyn Ghavid, magh, as haink ad dy cheilley, ec loghan Ghibeon: as ghow ad grunt, ad shoh er y cheu shoh jeh’n loghan, as ad shid er y cheu elley.

2 Samuel 20:23

Nish va Joab harrish slane sheshaght-caggee Israel; as va Benaiah mac Jehoiada harrish ny Cherethiteyn, as harrish ny Pelethiteyn;

2 Samuel 23:37

Zelek yn Ammonite; Naharai yn Beerothite, armyder Yoab mac Zeruiah,

2 Samuel 24:15

Myr shen hug y Chiarn y chramp er Israel, veih’n voghrey eer gys y laa pointit: as hooar baase jeh’n pobble, veih Dan eer gys Beer-sheba, three-feed as jeih thousaneyn.

2 Samuel 3:10

Dy chaghlaa’n reeriaght veih thie Saul, as dy hoiaghey seose stoyl-reeoil Ghavid harrish Israel, as harrish Judah, veih Dan eer gys Beer-sheba.

2 Samuel 8:16

As va Joab mac Zeruiah harrish y cheshaght-chaggee; as va Jehoshaphat mac Ahilud ard-chleragh ny lioaryn;

1 Recortyssyn 21:2

As dooyrt David rish Joab, as rish fir-reill y phobble, Immee-jee, as gow-jee coontey cloan Israel veih Beer-sheba eer gys Dan; as cur-jee lhieu yn coontey oc hym’s, dy vod fys ’ve aym er.

2 Recortyssyn 32:31

Ny-yeih, ayns cooish princeyn Vabylon, haink er chaghteraght huggey dy vriaght mychione y cowrey mirrilagh va jeant ’sy cheer, daag Jee eh da hene dy phrowal eh, as dy choyrt toiggal da jeh annooinid e chree hene.

Raaghyn Creeney 29:23

Tayrnys e voyrn dooinney sheese dy injil; agh eiyrys ooashley orroosyn ta imlee ayns cree.

Jeremiah 17:5

Myr shoh ta’n Chiarn dy ghra, Dy row mollaght ersyn ta cur e varrant er dooinney, as goaill mac dooinney son e endeilys, as ta ayns e chree treigeil y Chiarn.

2 Corinthianee 12:7

As er-yn-oyr nagh goïn rouyr orrym trooid yrjid ny ashlishyn, va jolg er ny choyrt dooys ayns yn eill, chaghter Satan dy my smaghtaghey, er-aggle dy beign ro ard-aignagh.

Briwnyn 20:1

Eisht hie ooilley cloan Israel magh, as v’ad er nyn jaglym cooidjagh myr un dooinney, veih Dan eer gys Beer-sheba, marish cheer Ghilead, fenish y Chiarn ayns Mizpeh.