2 Samuel 24:17 - Yn Vible Casherick 1775 1819

¹⁷ As loayr David rish y Chiarn, tra honnick eh yn ainle va stroie y pobble, as dooyrt eh, Cur-my-ner, mish t’er n’yannoo peccah, as s’mooar ta my loght: agh ny kirree shoh, cre t’adsyn er n’yannoo? Lhig da dty laue, ta mee guee ort, ve m’oï’s as noi thie m’ayrey.

2 Samuel 24:17 ပူးပေါင်းရင်းမြစ်များ

Genesis 18:23

As hayrn Abraham er-gerrey, as dooyrt eh, Jean oo myrgeddin stroie yn sleih ynrick marish ny mee-chrauee.

Genesis 44:33

Nish er-y-fa shen, ta mee guee ort, lhig da dty harvaant ve freilt ayns bondiaght da my hiarn, ayns ynnyd y scollag; as lhig da’n scollag goll seose marish e vraaraghyn.

2 Samuel 12:13

As dooyrt David rish Nathan, Ta mee er n’yannoo peccah noi’n Chiarn. As dooyrt Nathan rish David, Ta’n Chiarn myrgeddin er choyrt ersooyl dty pheccah; cha vow baase.

2 Samuel 24:10

As woaill cree David eh lurg da v’er n’ghoaill earroo’n pobble: as dooyrt David rish y Chiarn, Ta mee kyndagh jeh peccah trome liorish shen ta mee er n’yannoo: as nish, ta mee guee ort, O Hiarn, gow ersooyl loght dty harvaant; son s’mooar ta my pheccah.

2 Samuel 7:8

Nish er-y-fa shen, myr shoh jir oo rish my harvaant David, Myr shoh ta’n Chiarn dy heshaght-flaunyss gra, Ghow mish oo veih ny bwoailtchyn keyrragh, veih goaill kiarail jeh ny kirree, dy ve fer-reill harrish my phobble Israel.

1 Reeaghyn 22:17

As dooyrt eh, Honnick mee ooilley Israel skeaylt er ny sleityn, myr kirree fegooish bochill: as dooyrt y Chiarn, Cha vel mainshtyr oc shoh; lhig da dy chooilley ghooinney jeu chyndaa gys e hie ayns shee.

Lioar Yob 42:6

Shen-y-fa ta dwoaie aym orrym pene, as ta mee goaill arrys ayns joan as leoie.

Lioar Yob 7:20

Ta mee er n’yannoo peccah; cre’n lhiasaghey oddym’s y yannoo, O uss Saualtagh deiney? cre’n-fa t’ou er my hoiaghey myr mark dt’oï, myr shen dy vel mee my errey dou hene?

Psalmyn 32:5

Goym rish my pheccah hood’s: as my neu-chairys cha vel mee er cheiltyn.

Psalmyn 44:11

T’ou coyrt orrin chyndaa nyn gooyl er nyn naboonyn: myr shen dy vel adsyn ta dwoaie oc orrin spooilley nyn gooid.

Psalmyn 74:1

O Yee, cre’n-fa t’ou freayll oo hene voïn choud dy hraa: cre’n-fa ta dty yymmoose cha cheh noi kirree dty phastyr?

Psalmyn 78:71

Reih eh myrgeddin David e harvaant: as ghow eh ersooyl eh veih ny bwoailtchyn keyrragh;

Exodus 10:16

Er shoh hug Pharaoh fys dy siyragh er Moses as Aaron; as dooyrt eh, Ta mee er n’yannoo peccah noi’n Chiarn y Jee eu, as noi eu hene.

Isaiah 6:5

Eisht dooyrt mee, Smerg dooys! cre’n erree hig orrym; er-yn-oyr dy vel mee my ghooinney jeh meillyn neu-ghlen, as ta mee cummal mastey pobble jeh meillyn neu-ghlen: son ta my hooillyn er vakin y Ree, Chiarn ny flaunyssee.

Jonah 1:12

As dooyrt eh roo, Trog-jee mee seose, as tilg-jee mee magh ’sy cheayn; myr shen vees y keayn kiune diuish: son ta fys aym dy nee by-chyndagh rhym’s ta’n sterrym mooar shoh er jeet erriu.

Zechariah 13:7

Dooisht, O chliwe, noi my vochilley, as noi yn dooinney ta my heshey, ta Chiarn ny flaunyssee dy ghra: bwoaill yn bochilley, as bee ny kirree er ny skeayley: as chyndaa-ym my laue er y vyn-vooinjer.

Earrooyn 16:22

As huitt ad er nyn eddinyn, as dooyrt ad, O Yee, Jee spyrrydyn dy chooilley eill, jean un dooinney peccah, as bee uss corree rish ooilley’n cheshaght?