2 Samuel 24:13 - Yn Vible Casherick 1775 1819

¹³ Er shoh haink Gad gys David, as dinsh eh da, as dooyrt eh rish, Jig shiaght bleeaney dy ghortey hood ayns dty heer? ny jean oo roie er-chea three meeaghyn roish dty noidyn, choud as t’ad er dty eiyrt’s? ny dy bee three laa jeh’n chramp ayns dty heer? Nish bee ec dty choyrle, as smooinee cre’n ansoor ver-ym lhiam huggeysyn t’er my choyrt er y chaghteraght.

2 Samuel 24:13 ပူးပေါင်းရင်းမြစ်များ

2 Samuel 21:1

Nish va gortey ayns laghyn Ghavid three bleeaney, bleïn lurg bleïn; as vrie David jeh’n Chiarn. As dreggyr y Chiarn, Te kyndagh rish Saul, as kyndagh rish e hie folley, er-yn-oyr dy dug eh gy-baase ny Gibeoniteyn.

2 Samuel 24:12

Immee as abbyr rish David, Myr shoh ta’n Chiarn gra, Ta mee coyrt dhyt three chebbyn; gow dty reih jeu, dooys dy cherraghey ort.

2 Reeaghyn 8:1

Eisht loayr Elisha rish y ven (yn mac eck v’eh er aa-vioghey), gra Trog ort, as gow uss as lught dty hie, as cum-jee’n raad share oddys shiu beaghey: son ta’n Chiarn er harey gortey; as hig eh myrgeddin er y cheer son shiaght bleeaney.

1 Recortyssyn 21:12

Edyr three bleeaney dy ghortey, er-nonney son three meeaghyn dy ve stroit roish dty noidyn, (choud’s nee cliwe dty noid berraghtyn ort) er-nonney dy ve son three laa fo cliwe y Chiarn, eer y chramp ayns y cheer, as ainle y Chiarn stroie trooid magh ooilley ardjyn Israel. Nish er-y-fa shen, bee ec dty choyrle, cre’n ansoor ver-ym lhiam huggeysyn, ta dy my choyrt er y chaghteraght.

Psalmyn 91:6

Roish y chramp ta shooyl ’sy dorraghys: ny roish y chingys ta stroie ec y vun-laa.

Exodus 7:25

As va shiaght laa ec kione, lurg da’n Chiarn v’er woalley’n awin.

Ezekiel 14:13

Vac y dooinney, tra ta’n cheer jannoo peccah m’oï liorish ard-loghtynys, eisht sheeyn-yms magh my laue er, as brish-ym bun yn arran echey, as ver-ym er yn ghortey, as giare-ym jeh veih shen dooinney as baagh.

Leviticus 26:20

As bee’n niart eu baarit ayns fardail son cha jean y thalloo eu cur magh e bishagh, ny biljyn y thallooin nyn mess.

Leviticus 26:25

As ver-yms lhiam y chliwe erriu, nee cooilleeney ’ghoaill erriu son brishey my chonaant: as tra ta shiu er nyn jaglym cooidjagh ayns nyn ard-valjyn, ver-yms y plague ny-vud eu; as bee shiu er nyn livrey gys laueyn nyn noidyn.

Noo Luke 4:25

Agh ta mee ginsh diu ayns firrinys, dy row ymmodee mraane-treoghe ayns Israel rish lhing Elias, tra va’n aer jeight seose three bleeaney as shey meeghyn, tra va genney vooar trooid ooilley yn cheer:

Deuteronomy 28:22

Nee’n Chiarn uss y woalley lesh doghan gyn-lheihys, as lesh y chiassaghey, as lesh att, as lesh chiass loshtee, as lesh y chliwe, as lesh blest, as lesh mergey: as lhiannee ad dhyt, derrey hed oo naardey.

Deuteronomy 28:25

Ver y Chiarn ort dy ve er dty imman roish dty noidyn: hed oo magh un raad nyn ’oï, as chea ersooyl rhymboo shiaght raaidyn, as bee shiu skeaylt fud ooilley reeriaghtyn y thallooin.

Deuteronomy 28:27

Nee’n Chiarn oo y woalley lesh askaidyn Egypt, lesh ny pileyn, as lesh y screb, as lesh y taghys, nagh vod v’er ny lheihys.

Deuteronomy 28:35

Nee’n Chiarn oo y woalley ayns dty ghlioonyn, as ayns dty lurgaghyn, lesh chingyn gonnagh, nagh vod v’er nyn lheihys, veih boyn dty choshey gys mullagh dty ching.

Deuteronomy 28:52

As nee eh oo y hionney stiagh lesh caggey ayns ooilley dty yiattyn, derrey t’eh er lhieggal ooilley dty voallaghyn ard as lajer, huc v’ou coyrt dty varrant, trooid ooilley dty heer; as nee eh uss y chruinnaghey stiagh ayns ooilley dty yiattyn, trooid ooilley’n cheer, ta’n Chiarn dty Yee er choyrt dhyt.

1 Samuel 25:17

Nish er-y-fa shen, gow coyrle, as smooinee cre share dhyt jannoo: son ta olk kiarit noi nyn mainshtyr, as noi ooilley e hie: son t’eh lheid y mac shen dy Velial, nagh vod dooinney loayrt rish.