2 Samuel 24:10 - Yn Vible Casherick 1775 1819

¹⁰ As woaill cree David eh lurg da v’er n’ghoaill earroo’n pobble: as dooyrt David rish y Chiarn, Ta mee kyndagh jeh peccah trome liorish shen ta mee er n’yannoo: as nish, ta mee guee ort, O Hiarn, gow ersooyl loght dty harvaant; son s’mooar ta my pheccah.

2 Samuel 24:10 ပူးပေါင်းရင်းမြစ်များ

2 Samuel 12:13

As dooyrt David rish Nathan, Ta mee er n’yannoo peccah noi’n Chiarn. As dooyrt Nathan rish David, Ta’n Chiarn myrgeddin er choyrt ersooyl dty pheccah; cha vow baase.

2 Samuel 24:17

As loayr David rish y Chiarn, tra honnick eh yn ainle va stroie y pobble, as dooyrt eh, Cur-my-ner, mish t’er n’yannoo peccah, as s’mooar ta my loght: agh ny kirree shoh, cre t’adsyn er n’yannoo? Lhig da dty laue, ta mee guee ort, ve m’oï’s as noi thie m’ayrey.

1 Reeaghyn 8:35

Tra ta’n aer dooint seose, as nagh vel veg y fliaghey, er-yn-oyr dy vel ad er n’yannoo peccah dt’oï; my t’ad guee lesh yn ynnyd shoh, as goaill-rish dt’ennym, as chyndaa veih nyn beccah tra t’ou seaghney ad:

1 Recortyssyn 21:7

As kyndagh rish yn obbyr shoh va Jee er ny vrasnaghey; shen-y-fa woaill eh Israel.

1 Recortyssyn 21:8

As dooyrt David rish Jee, S’mooar ta my loght, son shen ta mee er n’yannoo: agh nish guee-ym ort, gow ersooyl peccah dty harvaant, son ta mee er n’yannoo dy feer neu-hushtagh.

2 Recortyssyn 16:9

Son ta sooillyn y Chiarn roie noon as noal trooid y slane seihll, dy hoilshaghey eh-hene dy ve niartal er y cheu ocsyn ta lesh cree firrinagh treishteil ayn. Ayns shoh t’ou er n’yannoo dy ommijagh; shen-y-fa veih’n traa shoh magh bee oo seaghnit lesh caggey.

2 Recortyssyn 32:26

Ny-yeih, ren Hezekiah eh-hene y injillaghey son mooaralys e chree (chammah eh-hene, as cummaltee Yerusalem) myr shen nagh ren corree’n Chiarn brishey magh orroo rish lhing Hezekiah.

Lioar Yob 7:21

As cre’n-fa nagh vel oo pardooney my pheccah, as goaill ersooyl my vee-chairys? son nish nee’m cadley ’sy joan; as nee oo shirrey my lurg ’sy voghrey, agh cha bee’m er-mayrn.

Psalmyn 32:5

Goym rish my pheccah hood’s: as my neu-chairys cha vel mee er cheiltyn.

Exodus 10:16

Er shoh hug Pharaoh fys dy siyragh er Moses as Aaron; as dooyrt eh, Ta mee er n’yannoo peccah noi’n Chiarn y Jee eu, as noi eu hene.

Raaghyn Creeney 28:13

Eh ta coodaghey e pheccaghyn cha jean eh bishaghey: agh quoi-erbee ghoys roo, as treigys ad, yiow eh myghin.

Hosea 14:2

Gow-jee mêriu goan [arryssagh] as chyndaa-jee gys y Chiarn: abbyr-jee rish, Gow ersooyl dy chooilley vee-chairys, as jean soiaghey graysoil j’in: myr shen chebbee mayd dhyt oural nyn meillyn.

Joel 2:12

Shen-y-fa myrgeddin nish, ta’n Chiarn dy ghra, Chyndaa-jee dy jarroo hym’s, lesh ooilley nyn gree, as lesh trostey, as lesh keayney, as lesh dobberan.

Earrooyn 12:11

As dooyrt Aaron rish Moses, Aless, my hiarn! ta mee guee ort, my cur y peccah shoh nyn lieh, ta shin dy ommijagh er ve kyndagh jeh, as liorish ta shin er n’yannoo peccah.

Noo Mark 7:22

Maarlys, saynt, olkys, molteyrys, rouanys, drogh hooill, goan mollaghtagh, moyrn, ommijys:

Noo Ean 1:29

Yn nah laa honnick Ean Yeesey cheet ny whail, as dooyrt eh, Cur-my-ner Eayn Yee, ta goaill ersooyl peccah yn theihll.

Noo Ean 8:9

As v’adsyn cheayll eh, er nyn gheyrey liorish nyn gooinsheanse hene, as hie ad magh fer lurg fer jeu, goaill toshiaght veih yn er shinney gys yn er saa: as va Yeesey faagit ny-lomarcan, as y ven ny shassoo kiongoyrt rish.

Deuteronomy 32:6

Nee shoh myr ta shiu dy chooilleeney’n Chiarn, O phobble ommijagh, as mee-cheeayllagh? nagh nee eshyn dty ayr ren dty chionnaghey? nagh nee eshyn ren dty chroo, as dty niartaghey?

Titus 3:3

Son va shin hene myrgeddin keayrt dy row mee-hushtagh, mee-viallagh, ayns marranys, fo reill ymmodee yeearreeyn as eunyssyn peccoil, baghey ayns goanlys as roon, dwoaiagh, as coyrt dwoaie yn derrey yeh da’n jeh elley.

1 Ean 1:9

My ta shin goaill-rish nyn beccaghyn, t’eshyn firrinagh as cairagh dy leih dooin nyn beccaghyn, as dy ghlenney shin veih dy chooilley neu-ynrickys.

1 Samuel 13:13

As dooyrt Samuel rish Saul, T’ou er n’yannoo dy ommijagh: cha vel oo er reayll yn sarey doardee’n Chiarn dty Yee dhyt; son nish veagh yn Chiarn er hickyraghey dty reeriaght ayns Israel son earishyn foddey beayn.

1 Samuel 24:5

As haink eh gy-kione lurg shen, dy daink arrys er cree Ghavid, dy row eh er yiarey jeh skyrt Saul.

1 Samuel 24:6

As dooyrt eh rish e gheiney, Ny lhig y Chiarn dy jinnin’s yn red shoh y yannoo rish my vainshtyr, ree ooilit y Chiarn, dy heeyney magh my laue n’oï, fakin dy vel eh fer-ooilit y Chiarn.

1 Samuel 26:21

Eisht dooyrt Saul, Ta mee er n’yannoo dy olk: chyndaa, my vac Ghavid; son cha jean-ym maghey shoh skielley dhyt, er-yn-oyr dy row my vioys deyr ayns dty hilley er y laa shoh: cur-my-ner, ta mee er n’yannoo dy ommijagh, as er ve dy mooar er-shaghryn.