2 Samuel 23:7 - Yn Vible Casherick 1775 1819

⁷ Agh y dooinney vennys roo, shegin da ve eïllit lesh yiarn, as cass shleiy; as bee ad dy bollagh er nyn lostey lesh aile, ayns yn ynnyd ta kiarit daue.

2 Samuel 23:7 ပူးပေါင်းရင်းမြစ်များ

Psalmyn 21:10

Yn rass oc ver oo ass ny fraueyn jeh’n thalloo: as yn sluight oc veih mastey cloan gheiney.

Isaiah 27:4

Cha vel eulys tannaghtyn mârym’s: quoi yinnagh soiaghey dressyn as drineyn m’oï ’sy chaggey? yinnin goll nyn drooid, yinnin lostey ad cooidjagh.

Isaiah 33:12

As bee yn pobble er ny lostey myr eayl; myr drineyn buinnit bee ad er nyn lostey ’syn aile.

Ezekiel 2:6

As uss, vac y dooinney, ny gow aggle roue hene, ny roish ny goan oc, ga dy vel dressyn as drineyn mayrt, as dy vel oo cummal mastey ard-nieughyn: ny gow aggle roish ny goan oc, chamoo bee atchimagh roish y chilley oc, ga dy vel ad thie mee-viallagh.

Noo Mian 13:30

Lhig-jee daue ny-neesht gaase cooidjagh derrey’n fouyr: as ayns earish yn ouyr jir-yms rish ny beayneeyn, Chymsee-jee cooidjagh hoshiaght yn coggyl ayns bunneeyn ry-hoi lostey; agh tayrn-jee yn churnaght stiagh ayns my hoalt.

Noo Mian 13:42

As tilgee ad ad ayns coirrey aileagh: ayns shen vees keayney as snaggeraght feeacklyn.

Noo Luke 19:14

Agh dirree yn theay shen magh n’oï, as hug ad chaghteraght geiyrt er, gra, Cha naill-lhien yn dooinney shoh dy reill harrin.

Noo Luke 19:27

Agh ad shen my noidyn nagh bailliu mish dy reill harrystoo, cur-jee lhieu ad ayns shoh, as cur-jee ad gy-baase kiongoyrt rhym.

Noo Ean 15:6

Mannagh vel dooinney tannaghtyn aynym’s t’eh tilgit magh myr banglane, as t’eh fioghey; as t’ad dyn deiy as dyn dilgey ad ayns yn aile, as t’ad er nyn lostey.

2 Thessalonianee 1:8

Ayns aile loshtee cooilleeney kerraghey orroosyn ooilley nagh vel goaill rish Jee, as nagh vel coyrt biallys da sushtal nyn Jiarn Yeesey Creest:

2 Thessalonianee 2:8

As eisht vees y fer peccoil shen er ny hoilshaghey, eh nee’n Chiarn y choyrt mow liorish ennal e veeal, as stroie lesh soilshey gloyroil y cheet echey:

Hebrewnee 6:8

Agh ta shen ta gymmyrkey drineyn as dressyn, faagit mooie, as faggys da mollaght; ta’n jerrey echey dy ve losht.