2 Samuel 23:4 - Yn Vible Casherick 1775 1819

⁴ As bee eh myr soilshey’n voghrey, ec irree ny greïney, eer myr moghrey gyn bodjallyn; myr y faiyr ta gaase ass y thalloo liorish bree sollys y ghrian lurg frassyn.

2 Samuel 23:4 ပူးပေါင်းရင်းမြစ်များ

Psalmyn 110:3

Ayns laa dty phooar nee’n pobble ourallyn-arryltagh y hebbal hood’s lesh ooashley crauee: ta druight yn cheet ayd er y theihll veih breïn y voghrey.

Psalmyn 72:6

Hig eh neose myr y fliaghey ayns loamrey olley: dy jarroo myr ny bineyn ta gushtaghey yn thalloo.

Psalmyn 89:36

Nee eh shassoo shickyr son dy bragh myr yn eayst: as myr yn feanish firrinagh ayns niau.

Raaghyn Creeney 4:18

Agh ta raad y vooinjer chrauee myr yn soilshey sollys, ta soilshean ny smoo as ny smoo derrey’n ard-vunlaa.

Isaiah 18:4

Son shoh myr dooyrt y Chiarn rhym, Bee’m my haaue, agh smooinee-ym er y chooish er-lheh ayns my ynnyd-vaghee, myr y chiass kiune er lossreeyn, as goll-rish bodjal dy ghruight ayns chiass yn ouyr.

Isaiah 4:2

Bee banglane y Chiarn ayns y laa shen aalin as gloyroil, as bee mess y thallooin kenjal as stoamey da scapailtee Israel.

Isaiah 60:1

Trog ort, jean soilshean; son ta dty hoilshey er jeet, as ta gloyr y Chiarn er n’irree ort.

Isaiah 60:3

As hig ny ashoonee gys dty hoilshey, as reeaghyn gys sollyssid dty voghrey.

Hosea 6:3

Eisht bee tushtey ain, my hem mayd er nyn doshiaght ayns ainjys y Chiarn: ta’n goll-magh echey eunyssagh myr aalid y voghrey, as hig eh hooin myr y fliaghey; myr y fliaghey toshiaght as jerrey ny bleeaney er y thalloo.

Hosea 6:5

Shen-y-fa, ta mee er yiarey sheese ad liorish ny phadeyryn: ta mee er varroo ad liorish goan my veeal, dy vod ny briwnyssyn ayd’s ve myr yn soilshey ta brishey magh.

Micah 5:7

As bee sluight Yacob ayns mean ymmodee pobble, myr y druight veih yn Chiarn, myr ny frassyn er y faiyr, nagh vel lurg aigney dooinney, ny fieau son mec deiney.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

Noo Ean 1:7

Haink eh shoh son feanish, dy ymmyrkey feanish jeh’n toilshey, liorishyn dy voddagh dy chooilley ghooinney credjal.

Deuteronomy 32:2

Nee my ynsaghey shilley myr y fliaghey: nee my ghlare tuittym myr y druight as myr y fliaghey meein er lossreeyn oor; as myr ny frassyn er y faiyr:

Briwnyn 5:31

Shen myr lhig da ooilley dty noidyn cherraghtyn, O Hiarn: agh lhig dauesyn ta graihagh ersyn ve myr y ghrian tra te goll magh ayns e niart. As va’n cheer ec shee son da-eed bleïn.