2 Samuel 23:10 - Yn Vible Casherick 1775 1819

¹⁰ Hrog eh er, as woaill eh ny Philistinee, derrey va’n laue echey skee, as lhiannee e laue gys y chliwe: as dobbree’n Chiarn barriaght vooar y laa shen; as cha hyndaa’n pobble mârish, agh dy spooilley.

2 Samuel 23:10 ပူးပေါင်းရင်းမြစ်များ

2 Samuel 23:12

Agh hass eh ayns mean y vagher, as ren eh fendeil eh, as varr eh ny Philistinee: as hug y Chiarn da slane barriaght.

2 Reeaghyn 5:1

Nish va Naaman, captan sheshaght-caggee ree Syria, ny ghooinney ooasle kiongoyrt rish e vainshtyr, as onnoroil; er-yn-oyr dy row’n Chiarn liorishyn er choyrt barriaght da Syria: v’eh myrgeddin ny ghooinney niartal ayns caggey; agh v’eh ny lourane.

1 Recortyssyn 11:13

V’eshyn marish David ec Pas-dammim, as ayns shen va ny Philistinee er nyn jaglym cooidjagh gys caggey, raad va peesh dy ghrunt fo oarn; as ren y pobble chea roish ny Philistinee.

Psalmyn 108:13

Trooid Jee nee mayd obbraghyn mooarey: as eshyn eh ver fo-chosh nyn noidyn.

Psalmyn 144:10

T’ou uss er choyrt barriaght da reeaghyn: as er livrey David dty harvaant veih gaue yn chliwe.

Psalmyn 68:12

Ren reeaghyn lesh nyn sheshaghtyn-caggee roie er-chea, as v’ad er nyn goyrt fo-chosh: as adsyn jeh’n lught-thie rheynn ad y spooilley.

Isaiah 53:12

Shen-y-fa ver-yms cronney da mastey ny mooaralee, as nee eh rheynn yn spooilley marish ny treanee; er-yn-oyr dy vel eh er gheayrtey magh e annym gys baase; as v’eh er ny earroo marish ny drogh-yantee: as dymmyrk eh peccaghyn ymmodee, as ren eh lhiasaghey son ny drogh-yantee.

Romanee 15:18

Son cha goym orrym dy loayrt jeh veg jeh ny reddyn shen nagh vel Creest er n’obbraghey liorym, ayns tayrn ny Ashoonee gys biallys, liorish raa as jannoo.

2 Corinthianee 4:5

Son cha nee shin hene ta shin dy phreacheil, agh Creest Yeesey yn Chiarn: as shin hene ny sharvaantyn euish er graih Yeesey.

Joshua 10:10

As hug y Chiarn barriaght da Israel harrystoo, as ren eh ad y stroie lesh toyrt-mow trome ec Gibeon, as ad y imman er y raad ta goll seose gys Beth-horon, as woaill eh ad derrey Azekah, as gys Makkedah.

Joshua 10:42

As ooilley ny reeaghyn shoh as nyn gheer ren Joshua ’ghoaill mysh yn un traa; son dy ren y Chiarn Jee Israel caggey ayns lieh Israel.

Joshua 11:8

As ren y Chiarn ad y livrey gys laue Israel, ren ad y woalley, as nyn glo gys Zidon mooar, as gys Misrephoth-maim, as gys glione Vispeh cheu-har, as ren eh ad y stroie, derrey nagh row fer jeu faagit.

Briwnyn 15:14

As tra haink eh gys Lehi, dyllee ny Philistinee n’oï: as haink Spyrryd y Chiarn dy niartal er, as haink ny coyrdyn v’er e roihaghyn dy ve myr lieen losht lesh aile, as huitt ny geulaghyn veih e laueyn.

Briwnyn 15:18

As v’eh feer phaagh, as deïe eh er y Chiarn, as dooyrt eh, T’ou er choyrt yn varriaght vooar shoh ayns laue dty harvaant; as nish voym baase lesh paays, as tuittym ayns laueyn ny chymmyltee shoh?

1 Samuel 11:13

As dooyrt Saul, Cha bee dooinney er ny choyrt gy-baase y laa shoh: son jiu ta’n Chiarn er n’obbraghey livrey-ys mooar da Israel.

1 Samuel 14:23

Myr shoh ren y Chiarn Israel y hauail yn laa cheddin: as hie ad er nyn doshiaght caggey choud’s Beth-aven.

1 Samuel 14:6

As dooyrt Jonathan rish y dooinney aeg e armyder, Tar, as lhig dooin goll harrish gys garrison ny chymmyltee shoh: foddee eh ve dy jean y Chiarn gobbraghey er nyn son: son te’n un chooid da’n Chiarn dy hauail liorish mooarane ny liorish beggan.

1 Samuel 17:53

As hyndaa cloan Israel reesht veih geiyrt er ny Philistinee, as spooill ad ny cabbaneyn oc.

1 Samuel 19:5

Son hug eh e vioys ayns e laue, as varr eh yn Philistine, as dobbree’n Chiarn saualtys mooar son Israel: honnick oo-hene eh, as ghow boggey jeh; cre’n-fa eisht, nee oo aggair y yannoo noi fuill gyn-loght, dy varroo David gyn oyr?