2 Samuel 22:9 - Yn Vible Casherick 1775 1819

⁹ Hie jaagh seose veih e enish, as aile stroialtagh voish e eddin: va smarageyn er nyn voaddey lesh.

2 Samuel 22:9 ပူးပေါင်းရင်းမြစ်များ

2 Samuel 22:13

Trooid y sollyssid hie roish va smarageyn aile er n’oaddey.

2 Samuel 22:16

As va lhiabbaghyn yn aarkey er nyn vakin, as haink undinyn y theihll rish, ec oghsan y Chiarn, ec blest ennal e yymmoose.

Lioar Yob 4:9

Liorish blest Yee t’ad cherraghtyn, as liorish ennal e yymmoose t’ad er ny choyrt mow.

Psalmyn 18:15

Va ny farraneyn ushtey er nyn vakin, as haink undinyn y theihll rish, lesh dty oghsan, O Hiarn: ec blest ennal dty yymmoose.

Psalmyn 18:8

Hie jaagh veih e enish: as aile va cur mow ass e veeal, myr shen dy row smarageyn er nyn voaddey lesh.

Exodus 19:18

As va cronk Sinai ooilley fo yaagh, son dy daink y Chiarn neose er ayns aile: as hie yn jaagh echey seose, myr jaagh coirrey, as va craa-hallooin mooar ayns ooilley’n clieau.

Exodus 24:17

As va shilley gloyr y Chiarn myr aile mooar lossey er mullagh y clieau, ayns sooillyn chloan Israel.

Isaiah 30:27

Cur-my-ner, ta ennym y Chiarn cheet veih foddey, lostey lesh e eulys, as ta’n errey echey trome; ta e veillyn lane dy yymmoose, as e hengey myr aile loshtee.

Isaiah 30:33

Son s’foddey neayr’s va Tophet er ny oardaghey, eer cour yn ree te kiarit; t’eh er n’yannoo eh dowin as lhean: ta yn chreagh echey aile as lane fuygh, ta ennal y Chiarn myr strooan dy vrimstone dy oaddey eh.

Jeremiah 15:14

As ver-ym ort dy gholl marish dty noidyn gys cheer nagh vel oayll ayd er; son ta aile er ny oaddey ayns my yymmoose, nee shiu y lostey.

Jeremiah 5:14

Shen-y-fa shoh myr ta’n Chiarn, Jee ny flaunyssee, dy ghra, Er-yn-oyr dy vel shiu loayrt er yn aght shoh, cur-my-ner, neem’s my ghoan y yannoo ny aile ayns dty veeal, as y pobble shoh myr fuygh, as nee eh ad y stroie.

Habakkuk 3:5

Roishyn hie yn phaitt, as veih e chassyn hie magh smarageyn aileagh.

Deuteronomy 32:22

Son ta aile er vrishey magh ayns my yymmoose, nee lostey gys y diunid sodjey sheese, as ver eh mow yn thalloo, lesh e bishagh, as ver eh aile fo undinyn ny sleityn.

Hebrewnee 12:29

Son ta’n Jee ainyn myr aile ta coyrt mow.