2 Samuel 22:7 - Yn Vible Casherick 1775 1819

⁷ Ayns my heaghyn deïe mee gys y Chiarn, as ren mee my accan gys my Yee; as cheayll eh my choraa veih e hiamble, as hie m’accan stiagh gys e chleayshyn.

2 Samuel 22:7 ပူးပေါင်းရင်းမြစ်များ

Psalmyn 107:6

Eisht deïe ad er y Chiarn ayns nyn seaghyn: as livrey eh ad ass nyn jennid.

Psalmyn 116:4

Hooar mee seaghyn as trimshey, as ren mee geamagh er Ennym y Chiarn: O Hiarn, ta mee guee ort, livrey m’annym.

Psalmyn 120:1

Tra va mee ayns seaghyn deïe mee gys y Chiarn: as ren eh m’y chlashtyn.

Psalmyn 18:6

Myr shen clynnee eh my choraa veih e hiamble chasherick: as hig my phlaiynt kiongoyrt rish, hed eh stiagh dy jarroo gys e chleayshyn.

Psalmyn 27:4

Un red ta mish er hirrey er y Chiarn, shen nee’m y yeearree: dy jarroo dy voddym baghey ayns thie yn Chiarn ooilley laghyn my vea, dy akin aalid eunyssagh y Chiarn, as dy haaghey e hiamble.

Psalmyn 34:6

Cur-my-ner, ta’n boght geamagh, as ta’n Chiarn clashtyn eh: dy jarroo, as t’eh sauail eh ass ooilley e heaghyn.

Exodus 3:7

As dooyrt y Chiarn, Dy firrinagh ta mee er vakin seaghyn my phobble t’ayns Egypt, as ta mee er chlashtyn nyn eam, kyndagh rish nyn oaseiryn tranlaasagh; son shione dou nyn drimshey.

Jonah 2:4

Eisht dooyrt mee, Ta mee ceaut magh ass dty hilley; agh ny-yeih nee’m jeeaghyn reesht lesh dty hiamble casherick.

Jonah 2:7

Tra ren my annym gannooinaghey cheu-sthie jee’m, chooinee mee er y Chiarn, as haink my phadjer stiagh hood, gys dty hiamble casherick.

Habakkuk 2:20

Agh ta’n Chiarn ayns e hiamble casherick: lhig da ooilley yn seihll ve ny host kiongoyrt rish.

Noo Luke 22:44

As v’eh ayns angaish vooar, as ghow eh padjer ny s’jeeaney: as va’n ollish echey myr bineyn mooarey folley tuittym gys y thalloo.

Hebrewnee 5:7

Ayns laghyn e ghooghys-foalley, tra v’eh er hebbal padjeryn as aghinyn, lesh eam jeean as jeïr, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;

Jamys 5:4

Cur-my-ner, ta faill ny labreeyn, ta er vuinn ny magheryn eu, ta lieriuish er ny reayll voue dy molteyragh, gaccan: as ta eam ny beayneeyn er n’gholl stiagh ayns cleayshyn y Chiarn dy Heshaght-chaggee flaunys.