2 Samuel 22:44 - Yn Vible Casherick 1775 1819

⁴⁴ Veih anvea my phobble t’ou myrgeddin er my livrey, t’ou er my reayll dy ve kione ny ashoonyn: nee pobble nagh nione dou mish y hirveish.

2 Samuel 22:44 ပူးပေါင်းရင်းမြစ်များ

2 Samuel 19:14

As hyndaa eh cree ooilley deiney Yudah, myr cree un dooinney; myr shen dy dug ad y chaghteraght shoh gys y ree, Tar hooin reesht oo-hene, as ooilley dty harvaantyn.

2 Samuel 19:9

As va anvea mastey ooilley’n pobble, trooid ooilley tribeyn Israel, gra, Haue y ree shin ass laue nyn noidyn, as livrey eh shin ass laue ny Philistinee; as nish t’eh er roie’n cheer kyndagh rish Absalom.

2 Samuel 20:22

Eisht hie’n ven gys ooilley’n pobble ayns e creenaght: as yiare ad jeh kione Sheba mac Bichri, as hilg ad eh magh gys Joab. As heid eh trumpet, as hrog ad veih’n ard-valley, dy chooilley ghooinney gys e chabbane. As hyndaa Joab gys y ree ec Jerusalem.

2 Samuel 3:1

Nish son earish foddey va caggey eddyr thie Saul as thie Ghavid: agh daase David ny s’troshey as ny s’troshey, as lheïe thie Saul ny s’lhag as ny s’lhag.

2 Samuel 5:1

Eisht haink ooilley tribeyn Israel gys David ec Hebron, as dooyrt ad, Cur-my-ner, ta shinyn dty chraue as dt’eill.

Psalmyn 110:6

Ver eh briwnys mastey ny ashoonyn; lhieenee eh ny ynnydyn lesh ny kirp marroo: as ard-reiltee ymmodee cheeraghyn y chur fo-chosh.

Psalmyn 18:43

Nee uss m’y livrey veih anvea yn phobble: as ver oo orrym dy ve kione ny ashoonyn.

Psalmyn 2:8

Shir orrym, as ver-ym dhyt ny ashoonyn son dty eiraght: as ny ayrnyn sodjey magh jeh’n theihll fo dty rere.

Isaiah 55:4

Cur-my-ner, ta mee er choyrt eh son feanish da’n pobble, ny reiltagh as fer-ynsee da’n pobble.

Isaiah 55:5

Cur-my-ner, nee oo geamagh er ashoon nagh nhione dhyt; as nee ashoonyn joarree roie hood’s, er graih yn Chiarn dty Yee, as er graih Fer-casherick Israel; son t’eh er dty ghloyraghey.

Isaiah 60:12

Son yn ashoon as y reeriaght shen nagh jean shirveish ort, nee ad cherraghtyn; dy jarroo, bee ny ashoonyn shen dy slane bollagh er nyn stroie.

Isaiah 65:1

Ta mee er my hoilshaghey dauesyn nagh row dy my hirrey; ta mee er my gheddyn magh lioroosyn nagh ren briaght my yeï: dooyrt mee, Cur-jee my-ner, cur-jee my-ner, rish ashoon nagh row enmyssit orrym.

Daniel 7:14

As va er ny choyrt da reiltys, as gloyr, as reeriaght, dy jinnagh dy chooilley phobble, ashoonyn, as glaraghyn eshyn y hirveish: ta e reiltys reiltys dy bragh farraghtyn, nagh jean cherraghtyn, as e reeriaght shen nagh bee er ny stroie.

Hosea 2:23

As cuirr-ym ee dou hene ’sy thalloo; as bee myghin aym urreeish, nagh row er chosney myghin: as jir-ym roosyn nagh vel my phobble, T’ou uss my phobble: as jir adsyn, T’ou uss my Yee.

Romanee 15:12

As reesht ta Esaias gra, Bee fraue jeh Jesse, as eshyn nee girree dy reill harrish ny Ashoonyn-quaagh; aynsyn nee ny Ashoonyn-quaagh treishteil.

Romanee 9:25

Myr t’eh gra myrgeddin ayns Hosea, Nee’m genmys adsyn my phobble, nagh row my phobble; as ish, my ghraih, nagh row my ghraih.

Deuteronomy 28:13

Nee’n Chiarn uss y toshiaght, as cha nee’n jerrey; as bee oo er yn eaghtyr, as cha nee fo: my eaishtys oo rish oardaghyn y Chiarn dty Yee, ta mee dy harey dhyt’s jiu, dy reayll as dy yannoo ad:

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.