2 Samuel 22:43 - Yn Vible Casherick 1775 1819

⁴³ Eisht cha myn as joan y thallooin ren mee ad y woalley; myr laagh ny straidyn ren mee ad y stampey, as skeayley ad dy lhean.

2 Samuel 22:43 ပူးပေါင်းရင်းမြစ်များ

2 Samuel 7:9

As va mish mayrt, raad erbee dy jagh oo, as ta mee er yiarey jeh ooilley dty noidyn ass dty hilley, as er choyrt dhyt ennym ooasle, goll-rish enmyn ny deiney mooarey t’er y thalloo.

2 Reeaghyn 13:7

Chamoo daag eh jeh’n pobble da Jehoahaz, agh jeih markee as da-eed, as jeih fainee, as jeih thousane coshee; son va ree Syria er stroie ad, as er woalley ad myr joan y laare-vooie.

Psalmyn 18:42

Bwoaill-yms ad cha meen as y joan roish y gheay: as tilg-ym ad magh myr y laagh ayns ny straidyn.

Psalmyn 35:5

Bee ad myr y joan roish y gheay: as ainle y Chiarn dyn skeayley ad.

Isaiah 10:6

Neem’s eh y choyrt noi ashoon kialgeyragh, as noi pobble my yymmoose ver-ym sarey da dy ghoaill yn spooilley, as dy ghoaill y chragh, as dy stampey ad sheese goll-rish laagh ny straïdyn.

Isaiah 26:15

T’ou er vishaghey yn ashoon, O Hiarn, t’ou er vishaghey yn ashoon: t’ou er dty ghloyraghey; t’ou er scughey eh foddey jeh, eer gys ooilley ardjyn sodjey magh y thallooin.

Isaiah 41:2

Quoi eshyn hug lesh yn dooinney ynrick veih’n niar, dy ve fo e rere? quoi hug yn varriaght da harrish ashoonyn, as hug reeaghyn fo e reill? ren eh ad myr joan roish e chliwe, as myr coau sheebit roish e vhow.

Isaiah 41:25

Ta mee er hroggal seose fer veih’n twoaie, as hig eh: veih irree ny greïney nee eh fockley-magh my ennym; as ver eh princeyn fo-chosh myr y morter, as myr ta pasheyder stampey’n chray.

Daniel 2:35

Eisht va’n yiarn, yn chray, yn phrash, yn argid, as yn airh brisht ayns peeshyn dy cheilley, as v’ad casley rish coau yn laare-vooie-souree, as heeb yn gheay lesh ersooyl ad, nagh row ynnyd erbee ry-gheddyn daue, as haink y chlagh, woaill y jalloo, dy ve slieau mooar, as lhieen eh yn slane seihll.

Micah 7:10

Eisht nee ish ta my noid fakin shoh, as nee nearey ish y choodaghey, dooyrt rhym, Cre vel yn Chiarn yn Jee ayd? ver my hooillyn my-ner ee: nish bee ee stampit sheese myr laagh ny straidey.

Zechariah 10:5

As bee ad myr deiney niartal, ta stampey sheese nyn noidyn ’sy chaggey myr laagh ny straïdyn, as nee ad caggey, son dy vel y Chiarn ass nyn lieh, as bee ny markee er cabbil nyn haart.

Zechariah 2:6

Ho, ho, tar-jee magh, as chea-jee veih cheer y twoaie, ta’n Chiarn dy ghra: son ta mee er skeayley shiu co-lhean rish kiare geayghyn yn aer, ta’n Chiarn dy ghra.

Malachi 4:1

Son cur-my-ner ta’n laa cheet nee lostey myr oghe, as bee ooilley ny mooaralee, as eer adsyn ta cur-rish olkys, myr y coau, as nee yn laa ta cheet ad y lostey seose, ta Chiarn ny flaunyssee dy ghra; myr shen nagh vaag eh daue, eddyr fraue ny banglane.

Noo Luke 21:24

As tuittee ad er foyr y chliwe, as bee ad er nyn ghoaill ersooyl nyn gappeeyn gys dy chooilley ashoon: as bee Jerusalem er ny stampey sheese liorish ny Ashoonee, derrey vees traa ny Ashoonee er ny chooilleeney.

Deuteronomy 32:26

Dooyrt mee, Dy jinnin ad y skeayley dys corneilyn, dy jinnin yn imraa jeu dy ve caillit mastey deiney: