2 Samuel 22:42 - Yn Vible Casherick 1775 1819

⁴² Yeeagh ad, agh cha row fer dy hauail; eer gys y Chiarn, agh cha dug eh clashtyn daue.

2 Samuel 22:42 ပူးပေါင်းရင်းမြစ်များ

Isaiah 1:15

As tra ta shiu skeayley magh nyn laueyn, neem’s my hooillyn y hyndaa veue: dy jarroo tra ta shiu goaill ymmodee padjeryn, cha jean-ym clashtyn: ta nyn laueyn lane folley.

1 Samuel 28:6

As tra ren Saul briaght jeh’n Chiarn, cha dreggyr y Chiarn eh, liorish ashlishyn, ny liorish Urim, ny liorish phadeyryn.

Micah 3:4

Eisht nee ad geamagh gys y Chiarn, agh cha jean eh ad y chlashtyn: nee eh dy jarroo e eddin y cheiltyn voue ec y traa shen, myr t’ad er n’ymmyrkey ad-hene dy olk ayns nyn yannoo.

Raaghyn Creeney 1:28

Eisht nee ad geamagh orrym’s, agh mish cha der ansoor; nee ad m’y hirrey dy moghey, agh cha vow ad mee.

Ezekiel 20:3

Vac y dooinney, loayr rish shanstyr Israel, as obbyr roo, Myr shoh ta’n Chiarn Jee dy ghra, Vel shiu er jeet dy vriaght jeem’s? myr ta mee bio, ta’n Chiarn Jee dy ghra, cha beem’s er my vriaght jeh lieriu.

Lioar Yob 27:9

Jean Jee geaishtagh rish yn eam echey tra ta seaghyn cheet er?

Isaiah 17:7

Ayns y laa shen nee dooinney jeeaghyn gys e Er-croo, as chyndaa e hooillyn gys Jee casherick Israel.

Isaiah 17:8

Cha der eh geill da ny altaryn, obbyr e laueyn hene, chamoo nee eh soiaghey jeh shen ta e veïr hene er n’yannoo, edyr ny keylljyn, ny ny jallooyn grianagh.