2 Samuel 22:4 - Yn Vible Casherick 1775 1819

⁴ Neem’s geamagh er y Chiarn, ta feeu dy ve er ny voylley: myr shen bee’m sauchey veih my noidyn.

2 Samuel 22:4 ပူးပေါင်းရင်းမြစ်များ

2 Recortyssyn 20:22

As cha leah’s hie ad lesh ny arraneyn-moyllee, hug y Chiarn er cummaltee Seir, va nyn lhie cooyl-chlea noi Judah, dy huittym ayns marranys, er cloan Ammon as Moab, as v’ad er nyn mwoalley.

Nehemiah 9:5

Eisht dooyrt ny Leviteyn, Jeshua, as Kadmiel, Bani, Hashabniah, Sherebiah, Hodijah, Shebaniah, as Pethahiah, Shass-jee seose as bannee-jee yn Chiarn nyn Yee son dy bragh as dy bragh; as bannit dy row dty ennym gloyroil, ta foddey erskyn dy chooilley vannaght as moylley.

Psalmyn 106:2

Quoi oddys obbraghyn ooasle y Chiarn y ockley magh: ny ooilley e voylley y hoilshaghey?

Psalmyn 116:13

Nee’m my vreearraghyn y eeck nish kionfenish ooilley e phobble: feer deyr ayns shilley’n Chiarn ta baase e nooghyn.

Psalmyn 116:2

Dy vel eh er chroymmey e chleaysh hym: shen-y-fa nee’m geamagh er choud as vee’m bio.

Psalmyn 116:4

Hooar mee seaghyn as trimshey, as ren mee geamagh er Ennym y Chiarn: O Hiarn, ta mee guee ort, livrey m’annym.

Psalmyn 18:3

Haink angaishyn y vaaish mygeayrt-y-moom: as ren ny thooillaghyn dy vee-chraueeaght m’y agglaghey.

Psalmyn 34:6

Cur-my-ner, ta’n boght geamagh, as ta’n Chiarn clashtyn eh: dy jarroo, as t’eh sauail eh ass ooilley e heaghyn.

Psalmyn 48:1

Mooar ta’n Chiarn, as dy ard dy v’er ny voylley: ayns ard-valley yn Jee ain, dy jarroo er e chronk chasherick.

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Psalmyn 55:16

Lhig da baase cheet orroo dy siyragh, as lhig daue goll sheese bio ayns yn oaie: son ta olkys ayns nyn gummallyn, as ny mast’ oc.

Psalmyn 56:9

Cre-erbee yn traa ta mee geamagh ort, eisht bee my noidyn eebrit ersooyl: shoh ta fys aym er; son ta Jee er my heu.

Psalmyn 66:2

Abbyr-jee rish Jee, O cre cha yindyssagh as t’ou ayns dt’obbraghyn: trooid mooadys dty phooar vees dty noidyn er nyn gheddyn nyn mreageryn ayns dty enish.

Psalmyn 96:4

Son ta’n Chiarn mooar, as cha vod eh dy feeu ’ve er ny voylley: ta ny smoo dy aggle dy ve goit roishyn na dy chooilley Yee.

Romanee 10:13

Son quoi-erbee nee geamagh er Ennym y Chiarn, bee eh er ny hauail.

Ashlish 4:11

T’ou feeu, O Hiarn, dy gheddyn gloyr, as ooashley, as pooar; son t’ou er chroo dy chooilley nhee, as son dty aigney hene t’ad, as v’ad er nyn groo.

Ashlish 5:12

Gra lesh ard-choraa, Feeu ta’n Eayn v’er ny varroo, dy gheddyn pooar, as berchys, as creenaght, as niart, as ooashley, as gloyr, as bannaght.