2 Samuel 22:39 - Yn Vible Casherick 1775 1819

³⁹ As ta mee er stroie ad, as er lhottey ad, nagh voddagh ad girree: dy feer, t’ad er duittym fo my chassyn.

2 Samuel 22:39 ပူးပေါင်းရင်းမြစ်များ

2 Samuel 22:40

Son t’ou er my choamrey lesh niart son y chaggey: adsyn dirree seose m’oï t’ou er vroo fo my chassyn.

1 Reeaghyn 5:17

As hug y ree sarey, as hug ad lhieu claghyn mooarey, claghyn aalin costal, as claghyn cummit, dy hoiagh undin y thie.

Psalmyn 110:1

Dooyrt y Chiarn rish my Hiarn’s: Soie uss er my laue yesh, derrey nee’m dty noidyn y yannoo stoyl dty choshey.

Psalmyn 18:37

Eiyr-ym er my noidyn as berr-ym orroo: chamoo nee’m chyndaa reesht derrey vee’m er stroie ad.

Malachi 4:1

Son cur-my-ner ta’n laa cheet nee lostey myr oghe, as bee ooilley ny mooaralee, as eer adsyn ta cur-rish olkys, myr y coau, as nee yn laa ta cheet ad y lostey seose, ta Chiarn ny flaunyssee dy ghra; myr shen nagh vaag eh daue, eddyr fraue ny banglane.

Malachi 4:3

As ver shiu fo-chosh ny mee-chrauee; as bee ad myr joan fo nyn moynyn, ayns y laa neem’s shoh, ta Chiarn ny flaunyssee dy ghra.

Joshua 10:24

As haink eh gy-kione, tra hug ad lhieu magh ny queig reeaghyn shoh gys Joshua, dy deïe Joshua er ooilley deiney Israel, as dooyrt eh rish captanyn ny deiney caggee hie mârish; Tar-jee er-gerrey, as cur-jee nyn gassyn er mwannallyn ny reeaghyn shoh. As haink ad er-gerrey, as hug ad nyn gassyn er ny mwannallyn oc.