2 Samuel 22:31 - Yn Vible Casherick 1775 1819

³¹ Er son Jee, ta e raad ynrick: ta goo’n Chiarn er ny phrowal: t’eh myr eïlley-caggee dauesyn ooilley ta treishteil ayn.

2 Samuel 22:31 ပူးပေါင်းရင်းမြစ်များ

2 Samuel 22:3

Jee my chreg; ersyn ver-ym my varrant: eshyn my scaa, as niart my haualtys, my hoor ard, as my chemmyrk, my haualtagh; t’ou sauail mee veih tranlaasee.

Nehemiah 9:8

As hooar oo e chree ynrick kiongoyrt rhyt, as ren oo conaant rish, dy choyrt da e luight cheer ny Canaaniteyn, ny Hittiteyn, ny Amoriteyn, as ny Perizziteyn, as ny Jebusiteyn, as ny Girgashiteyn, as t’ou er chooilleeney dty ghoan, son t’ou ynrick:

Lioar Yob 34:10

Shen-y-fa clasht-jee rhym’s, shiuish gheiney creeney: foddey dy row eh veih Jee, dy yannoo olk; as veih’n Ooilley-niartal, dy yannoo mee-chairys.

Psalmyn 119:140

Ta dty ghoo’s er ny phrowal gys y chooid sodjey: as ta graih ec dty harvaant er.

Psalmyn 12:6

Trog-ym orrym, ta’n Chiarn dy ghra: as ver-ym feaysley da dagh unnane veihsyn ta gatt n’oï, as ver-ym eh gys fea.

Psalmyn 145:17

Ta’n Chiarn cairagh ayns ooilley e raaidyn: as casherick ayns ooilley e obbraghyn.

Psalmyn 18:30

Ta raad Yee raad rea: ta goo yn Chiarn neesht er ny phrowal ’syn aile; eh yn fendeilagh ocsyn ooilley ta coyrt nyn dreishteil aynsyn.

Psalmyn 2:7

Neem’s y leigh y phreacheil, my-e-chione ta’n Chiarn er ghra rhym: Uss my Vac, jiu yn laa ta mee er dty gheddyn.

Psalmyn 35:2

Cur dty laue gys y scape as yn eïlley-caggee: as shass seose dy chooney lhiam.

Psalmyn 84:9

Cur-my-ner, O Yee nyn vendeilagh: as jeeagh er eddin dt’er-ooilit.

Psalmyn 91:4

Nee eh uss y choadey fo e skianyn, as bee oo sauchey fo ny fedjagyn echey: e irrinys as e ynrickys vees dty eïlley as dt’endeil.

Raaghyn Creeney 30:5

Ta dy chooilley ockle dy Yee slane glen: te ny scaa dauesyn ta coyrt nyn dreishteil ayn.

Ecclesiastes 3:14

Ta fys aym, cre-erbee ta Jee dy yannoo, dy bee eh er son dy bragh: cha vod nhee erbee ve currit huggey, ny nhee erbee er ny ghoaill voish: as shoh ta Jee dy yannoo, dy voddagh sheelnaue aggle y ghoaill roish.

Daniel 4:34

As ec kione ny laghyn shen, hrog mish Nebuchadnezzar my hooillyn gys niau, as haink my hushtey hym reesht, as vannee mee yn er smoo syrjey, as hug mee moylley as ooashley dasyn ta dy bragh beayn, e reiltys ta reiltys dy bragh farraghtyn, as e reeriaght ta veih sheeloghe gys sheeloghe.

Daniel 4:37

Nish ta mish Nebuchadnezzar cur moylley, as ard-voylley, as ooashley da ree ny flaunys, ta ooilley e obbraghyn firrinys, as e raaidyn briwnys, as adsyn ta gimmeeaght ayns moyrn t’eshyn niartal dy injillaghey.

Noo Mian 5:48

Bee-jee shiuish er-y-fa shen slane ynrick, eer myr ta nyn Ayr t’ayns niau slane ynrick.

Deuteronomy 32:4

Eshyn y Chreg, ta e obbraghyn jeant ayns creenaght erskyn earroo: son ta ooilley e raaidyn briwnys: Jee dy ynrickys, as fegooish mee-chairys; kiart as jeeragh t’eh.

Ashlish 15:3

As ghow ad arrane Voses sharvaant Yee, as arrane yn Eayn, gra, Mooar as mirrilagh ta dty obbraghyn, Hiarn Yee Ooilley-niartal; cairagh as firrinagh ta dty raaidyn, uss Ree nooghyn.