2 Samuel 22:3 - Yn Vible Casherick 1775 1819

³ Jee my chreg; ersyn ver-ym my varrant: eshyn my scaa, as niart my haualtys, my hoor ard, as my chemmyrk, my haualtagh; t’ou sauail mee veih tranlaasee.

2 Samuel 22:3 ပူးပေါင်းရင်းမြစ်များ

Genesis 15:1

Lurg ny reddyn shoh haink goo yn Chiarn gys Abram ayns Ashlish, gra, Ny bee aggle ort, Abram: mish dty endeilagh, as mooar erskyn towse vees dty leagh.

2 Samuel 22:31

Er son Jee, ta e raad ynrick: ta goo’n Chiarn er ny phrowal: t’eh myr eïlley-caggee dauesyn ooilley ta treishteil ayn.

2 Samuel 22:47

Ta’n Chiarn bio; as bannit dy row my chreg, as ard-voylley dy row er ny choyrt da Jee, creg my haualtys.

2 Samuel 22:49

As ta livrey mee veih my noidyn: t’ou myrgeddin er my hroggal seose dy ard er-nyn-skyn dirree seose m’oï: t’ou er my livrey veih’n dooinney tranlaasagh.

2 Samuel 22:51

Eshyn yn toor dy haualtys son e ree; as t’eh soilshaghey myghin da e er-ooilit, da David, as da e luight er son dy bragh.

2 Samuel 23:3

Ta Jee Israel er ghra, ta creg Israel er loayrt rhym’s, Shegin dasyn ta reill harrish deiney ve cairagh, reill ayns aggle Yee:

Psalmyn 14:6

Ta’n beeal oc lane dy ghweeaghyn as dy herriuid: ta ny cassyn oc tappee dy gheayrtey fuill.

Psalmyn 140:1

Livrey mee, O Hiarn, veih’n drogh ghooinney: as freill mee veih’n dooinney dewil;

Psalmyn 140:11

Cha jig y feanish foalsey er y hoshiaght er y thalloo: nee olk yn dooinney tranlaasagh y helg gys e hoyrt-mow.

Psalmyn 140:4

Freill mee, O Hiarn, veih laueyn ny mee-chrauee: jean m’y choadey veih ny tranlaasee, ta kiarit dy my hilgey harrish ayns my raaidyn.

Psalmyn 142:4

Yeeagh mee myrgeddin er my laue yesh: as honnick mee nagh row fer erbee yinnagh goaill rhym.

Psalmyn 144:2

My varrant as my hoor lajer, my chashtal as m’er-livreyee, my endeilagh ayn ta mee treishteil: ta smaghtaghey yn pobble ta fo my reill.

Psalmyn 18:2

Neem’s geamagh er y Chiarn, ta feeu dy ve er ny voylley: myr shen bee’m sauchey veih my noidyn.

Psalmyn 27:5

Son ayns traa my heaghyn follee eh mee ayns e chabbane: dy jarroo ayns boayl keillit e ynnyd-vaghee nee eh m’y ollaghey, as m’y hoiaghey seose er creg chloaie.

Psalmyn 28:7

Moylley dy row da’n Chiarn: son t’eh er chlashtyn coraa my aghinyn imlee.

Psalmyn 3:3

Agh uss, O Hiarn, m’endeilagh: uss my ooashley, as y fer ta cummal seose my chione.

Psalmyn 32:7

Son shoh nee dagh dooinney ta crauee, jannoo e phadjer hood, ayns traa oddys oo v’er dty gheddyn: agh ayns ny thooillaghyn mooarey dy ushtey cha jig ad ny choair.

Psalmyn 46:1

She Jee nyn dreishteil as niart: cooney feer faggys ayns seaghyn.

Psalmyn 46:11

Ta’n Jee dy heshaght-chaggee flaunys mârin: she Jee Yacob nyn gemmyrk.

Psalmyn 46:2

Shen-y-fa cha gow mayd aggle, ga dy beagh y seihll er ny chraa: as ga dy beagh ny croink er nyn scughey gys mean yn aarkey.

Psalmyn 46:7

Ta’n Chiarn dy heshaght-chaggee flaunys mârin: she Jee Yacob yn chemmyrk ain.

Psalmyn 5:12

As lhig dauesyn ooilley ta coyrt nyn dreishteil aynyd’s, boggey ’ghoaill: bee adsyn dy kinjagh coyrt booise, son dy vel oo fendeil ad; adsyn ta graihagh er dt’Ennym, vees lane dy voggey aynyd’s.

Psalmyn 55:9

Stroie ny chengaghyn oc, O Hiarn, as cur ad noi-ry-hoi: son ta mee er vakin neu-chairys as streeu ayns yn ard-valley.

Psalmyn 59:16

Er my hon’s, goym arrane jeh dty phooar, as nee’m dty vyghin y voylley dy leah ’sy voghrey: son t’ou uss er ve my choadey as my chemmyrk ayns laa my heaghyn.

Psalmyn 61:3

O soie mee seose er y chreg ta ny syrjey na mee: son t’ou er ve my hreishteil, as toor lajer dooys noi yn noid.

Psalmyn 71:7

O lhig da my veeal v’er ny lhieeney lesh dty voylley: dy voddym arrane y ghoaill jeh dty ghloyr as dty onnor slane lhiurid y laa.

Psalmyn 72:14

Nee eh ny anmeenyn oc y livrey veih foalsaght as aggair: as deyr vees yn uill oc ayns e hilley.

Psalmyn 84:11

Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.

Psalmyn 84:9

Cur-my-ner, O Yee nyn vendeilagh: as jeeagh er eddin dt’er-ooilit.

Psalmyn 86:14

O Yee, ta ny mooaralee er n’irree magh m’oï: as ta sheshaght dy ghrogh ’leih er hirrey lurg m’annym, as cha vel ad er hoiaghey uss kiongoyrt rish ny sooillyn oc.

Psalmyn 9:10

As adsyn shione daue dty Ennym, ver nyn dreishteil aynyd’s: son cha vel uss, Hiarn, rieau er hreigeil adsyn ta dy dty hirrey.

Psalmyn 9:9

Bee yn Chiarn neesht fendeilys dauesyn ta tranlaasit: dy jarroo kemmyrk ayns y traa cooie dy heaghyn.

Exodus 15:2

Ta’n Chiarn my niart as my arrane, hug eh dou livrey-ys: eshyn my Yee, as trog-yms cummal casherick da; Jee my ayraghyn, as ver-ym ooashley da.

Raaghyn Creeney 18:10

Ta ennym y Chiarn toor lajer: ta’n dooinney cairagh chea huggey, as t’eh ayns sauchys.

Raaghyn Creeney 30:5

Ta dy chooilley ockle dy Yee slane glen: te ny scaa dauesyn ta coyrt nyn dreishteil ayn.

Isaiah 12:2

Cur-my-ner, ta Jee my haualtys; nee’m treishteil, as cha goym aggle; son ta’n Chiarn Jehovah my niart as my arrane, t’eh myrgeddin er jeet dy ve my haualtys.

Isaiah 32:2

As bee yn dooinney shen myr scaa veih’n gheay, as fastee veih’n dorrin; myr awin ushtey ayns thalloo chirrym; myr scadoo creg vooar ayns cheer sponkit.

Isaiah 45:21

Insh-jee, as cur-jee lhieu ad er-gerrey; dy jarroo, lhig daue coyrle y ghoaill ry-cheilley: quoi t’er hoilshaghey shoh er-dyn chenn earish? quoi t’er n’insh eh er-dyn traa shen? nagh vel mish yn Chiarn? as cha vel jee erbee elley agh mish; Jee cairal as Saualtagh; cha vel agh mee hene.

Jeremiah 16:19

O Hiarn my niart, as my chashtal lajer, as my chemmyrk ’sy laa dy heaghyn, hig ny ashoonee hood’s veih ardjyn sodjey magh yn ooir, as jir ad, Son shickyrys va eiraght nyn ayraghyn ayns breagyn, fardalys, as reddyn gyn ymmyd.

Jeremiah 16:9

Son shoh myr ta Chiarn ny sheshaghtyn flaunyssagh, Jee Israel, dy ghra, Cur-my-ner, ver-ym er dy scuirr ass y voayl shoh ayns y chilley euish, as ayns ny laghyn eu, yn coraa dy voggey, as yn coraa dy yennallys, coraa’n dooinney-poosee, as coraa yn ven-phoosee.

Noo Luke 1:47

As ta my spyrryd er ghoaill boggey ayns Jee my Haualtagh.

Noo Luke 1:69

As t’eh er hroggal seose saualtys niartal er nyn son, ayns thie e harvaant David;

Noo Luke 1:71

Dy hauail shin veih nyn noidyn, as veih’n laue ocsyn ooilley ta dwoaie oc orrin.

Deuteronomy 32:37

As nee eh gra, Cre vel ny jeeghyn oc, yn chreg er hug ad nyn marrant,

Deuteronomy 32:4

Eshyn y Chreg, ta e obbraghyn jeant ayns creenaght erskyn earroo: son ta ooilley e raaidyn briwnys: Jee dy ynrickys, as fegooish mee-chairys; kiart as jeeragh t’eh.

Deuteronomy 33:29

S’maynrey t’ou, O Israel! quoi ta goll rhyt’s, O phobble ta fo coadey’n Chiarn, eilley-caggee dty chooney, as cliwe dty ard-ooashley! as bee dty noidyn er nyn goyrt foyd, as nee oo stampey er ny ynnydyn ardey oc.

Titus 3:4

Agh erreish da kenjallys as graih Yee nyn Saualtagh gys deiney v’er ny hoilshaghey,

Titus 3:6

Shen t’eh dy palchey er gheayrtey orrin trooid Yeesey Creest nyn Saualtagh:

Hebrewnee 2:13

As reesht, Huggey ver-ym my varrant. As reesht, Cur-my-ner, Mish, as y chloan ta Jee er choyrt dou.

1 Samuel 2:1

As vrish Hannah magh ayns arrane-moyllee, as dooyrt ee, Ta my chree goaill boggey ayns y Chiarn; ta my chione er ny hroggal seose ayns y Chiarn; my veeal foddym nish fosley dy loayrt rish my noidyn; er-yn-oyr dy vel mee goaill slane boggey ayns dty haualtys.

1 Samuel 2:2

Cha vel fer erbee casherick myr y Chiarn: son cha vel Chiarn erbee elley; chamoo ta creg erbee myr y Jee ain.