2 Samuel 22:29 - Yn Vible Casherick 1775 1819

²⁹ Son she uss my chainle, O Hiarn; as chyndaa-ee’n Chiarn my ghorraghys gys soilshey.

2 Samuel 22:29 ပူးပေါင်းရင်းမြစ်များ

2 Samuel 21:17

Agh haink Abishai mac Zeruiah gys e chooney, as woaill eh yn Philistine, as varr eh eh. Eisht loo deiney Ghavid da, gra, Cha jed oo magh arragh mârin gys y chaggey, er-aggle dy bee soilshey Israel er ny vooghey.

1 Reeaghyn 11:36

As da e vac ver-ym un tribe, dy vod cainle ve ec David my harvaant dy kinjagh kiongoyrt rhym’s ayns Jerusalem, yn ard-valley ta mee er reih dou hene dy chur my ennym ayn.

Lioar Yob 29:3

Tra ren e chainle soilshean er my chione, as tra liorish e hoilshey ren mee gimmeeaght trooid dorraghys;

Psalmyn 112:4

Da’n dooinney crauee ta soilshey brishey magh ayns y dorraghys: t’eh myghinagh, graihagh, as cairagh.

Psalmyn 18:28

Nee oo myrgeddin my chainle y oaddey: ver y Chiarn my Yee er my ghorraghys dy ve soilshey.

Psalmyn 27:1

Yn Chiarn my hoilshey as my haualtys; quoi roish eisht ghoym aggle: yn Chiarn niart my vea; quoi roish eisht vee’m agglagh?

Psalmyn 4:6

Shimmey t’ayn ta gra: Quoi yeeaghys dooin veg y vie?

Psalmyn 84:11

Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.

Psalmyn 97:11

Ta soilshey er n’irree son y vooinjer chairagh: as gennallys gherjoilagh dauesyn ta dy chree firrinagh.

Isaiah 50:10

Quoi ny-vud eu ta goaill aggle roish y Chiarn, ta biallagh da coraa e harvaant, ta shooyl ’sy dorraghys, as fegooish soilshey? lhig da treishteil ayns ennym y Chiarn, as barrant y choyrt er e Yee.

Micah 7:9

Nee’m gymmyrkey jymmoose y Chiarn, er-yn-oyr dy vel mee er n’yannoo peccah n’oï, derrey nee eh loayrt ass my lieh, as briwnys y chooilleeney er my hon: ver eh lesh mee magh gys y toilshey, as ver-ym my-ner e chairys.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

Noo Ean 12:46

Ta mish er jeet my hoilshey gys y theihll, quoi-erbee nee credjal aynym’s nagh jean eh tannaghtyn ayns y dorraghys.

Noo Ean 8:12

Eisht loayr Yeesey roo reesht, gra, Mish soilshey yn theihll: eshyn ta geiyrt orrym’s, cha shooylee eh ayns y dorraghys, agh bee echeysyn soilshey yn vea.

Ashlish 21:23

As cha row yn ard-valley shoh feme yn ghrian, chamoo yn eayst dy cheau soilshey urree: son hug gloyr Yee soilshey jee, as ta’n Eayn yn soilshey eck.