2 Samuel 22:20 - Yn Vible Casherick 1775 1819

²⁰ Hug eh lesh mee magh neesht gys boayl dy reamys; livrey eh mee, son dy row taitnys echey aynym.

2 Samuel 22:20 ပူးပေါင်းရင်းမြစ်များ

Genesis 26:22

As scugh eh veih shen, as chleiy eh chibbyr elley; as mysh shen cha row streeu erbee; as denmys eh eh Rehoboth; as dooyrt eh, Son nish ta’n Chiarn er chur reamys dooin, as nee mayd bishaghey ’sy cheer.

2 Samuel 15:26

Agh my jir eh myr shoh, Cha vel taitnys erbee aym aynyd: cur-my-ner, ta mee ayns shoh, lhig da jannoo rhym myr ta mie ayns e hilley.

2 Samuel 22:37

T’ou er choyrt reamys da my chesmadyn; myr shen nagh ren my chassyn skyrraghtyn.

1 Recortyssyn 4:10

As deïe Jabez gys Jee Israel, gra, Oh dy jinnagh oo mish y vannaghey dy jarroo, as my ardjyn y heeyney magh, as dy bee dty laue mârym dy my reayll veih tranlaase, nagh bee’m seaghnit liorish. As hug Jee e yeearree da.

Psalmyn 118:5

Deïe mee er y Chiarn ayns my heaghyn: as hug y Chiarn slane clashtyn dou.

Psalmyn 147:11

Agh ta taitnys ec y Chiarn ayndoosyn ta goaill aggle roish: as ta coyrt nyn dreishteil ayns e vyghin.

Psalmyn 149:4

Son ta taitnys ec y Chiarn ayns e phobble: as t’eh cooney lhieusyn ta jeh cree imlee.

Psalmyn 22:8

Hreisht eh ayns Jee, dy jinnagh eh eshyn y livrey: lhig da eh y livrey, my ta taitnys echey ayn.

Psalmyn 31:8

Bee’m gennal, as nee’m boggey ’ghoaill ayns dty vyghin: son t’ou er choyrt tastey da my heaghyn, as er chooinaghtyn er my annym ayns treihys.

Psalmyn 31:9

Cha vel oo er my yeigh seose ayns laue my noid: agh er hoiaghey my chassyn ayns boayl dy reamys.

Isaiah 42:1

Cur-my-ner my harvaant, ta mee dy niartaghey; my er-reiht, ayn ta my annym goaill taitnys: ta mee er choyrt my Spyrryd ersyn; ver eh magh briwnys gys ny ashoonee.

Hosea 4:16

Son ta Israel creoi-wannallagh, myr colbagh kione-lajeragh: nish nee yn Chiarn fassaghey ad myr eayin ayns aber aalin.

Noo Mian 17:5

Choud as v’eh foast loayrt, ren bodjal sollys skeayley harrystoo: as cur-my-ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht-jee rishyn.

Noo Mian 27:43

Hreisht eh ayns Jee; lhig da eh y livrey nish my saillish eh: son dooyrt eh, She mac Yee mee.

Noo Mian 3:17

As cur-my-ner, coraa veih niau, gra, Shoh my vac ennoil, jeh ta mee dy mooar soiaghey.