2 Samuel 22:14 - Yn Vible Casherick 1775 1819

¹⁴ Hug y Chiarn taarnagh veih niau, as ren y fer syrjey coyrt magh e choraa.

2 Samuel 22:14 ပူးပေါင်းရင်းမြစ်များ

Lioar Yob 40:9

Vel roih ayd’s myr t’ec Jee? er-nonney vod oo taarnaghey lesh dty choraa goll-rishyn?

Exodus 19:6

As bee shiu dooys myr reeriaght dy haggyrtyn, as ny ashoon casherick. Shoh ny goan nee oo loayrt rish cloan Israel.

Isaiah 30:30

As ver y Chiarn er e choraa gloyroil dy ve er ny chlashtyn, as nee eh soilshaghey trimmid atchimagh e roih, lesh eulys e yymmoose, as lesh lossey dy aile stroialtagh, lesh geay-chassee, as dorrin, as claghyn-sniaghtee.

Ezekiel 10:5

As va sheean skianyn ny cherubim er ny chlashtyn, gys eer yn chooyrt sodjey magh, myr coraa yn Jee ooilley-niartal, tra t’eh loayrt.

Ashlish 11:19

As va chiamble Yee er ny osley ayns niau, as va arg e chonaant er ny akin ayns e hiamble: as va tendreilyn, as coraaghyn, as taarnaghyn, as craa-hallooin, as claghyn mooarey sniaghtee.

Briwnyn 5:20

Ren ny niaughyn caggey; ren ny rollageyn ayns nyn goorse caggey noi Sisera.

1 Samuel 2:10

Bee noidyn y Chiarn brisht dy peeshyn: veih niau nee eh taarnaghey orroo: nee’n Chiarn briwnys ardjyn sodjey magh y theihll; as ver eh niart da e ree, as troggee eh dy ard eairk e er-ooilit.

1 Samuel 7:10

As myr va Samuel chebbal seose yn oural-losht, hayrn ny Philistinee er-gerrey gys caggey noi Israel: agh ren y Chiarn taarnaghey lesh tendreil atchimagh er ny Philistinee er y laa shen, as skeayl eh ad; as v’ad er nyn mwoalley roish Israel.