2 Samuel 22:10 - Yn Vible Casherick 1775 1819

¹⁰ Chroym eh ny niaughyn neesht, as haink eh neose; as fo e chassyn va dorraghys.

2 Samuel 22:10 ပူးပေါင်းရင်းမြစ်များ

1 Reeaghyn 8:12

Eisht loayr Solomon, Dooyrt y Chiarn dy jinnagh eh cummal ’sy dorraghys dowin.

Psalmyn 104:3

Ta soiaghey beamyn e hiamyryn ayns ny ushtaghyn: as jannoo ny bodjallyn e ainagh, as goll er skianyn ny geayee.

Psalmyn 144:5

Croym dty niaughyn, O Hiarn, as tar neose: benn rish ny sleityn, as bee ad ayns jaagh.

Psalmyn 97:2

Ta bodjallyn as dorraghys mygeayrt-y-mysh: ta cairys as briwnys coamrey e stoyl-reeoil.

Exodus 19:16

As haink eh gy-kione, er moghrey yn trass laa, dy row taarneeyn as tendreilyn, as bodjal dorraghey er y chronk, as feiyr y trumpet yindyssagh ard, myr shen dy row ooilley’n pobble v’ayns y champ er-creau.

Exodus 20:21

As hass y pobble foddey jeh, as hayrn Moses er-gerrey da’n dorraghys choo, raad va Jee.

Isaiah 63:19

Lhiat’s ta shin: cha row adsyn rieau fo dty reill; cha row yn ennym ayd’s cowrit orroosyn.

Nahum 1:3

Ta’n Chiarn moal gys corree, as ard ayns pooar, as cha jean eh er aght erbee seyrey ny mee-chrauee: ta raad y Chiarn ayns y gheay-chassee, as ayns y sterrym, as ta ny bodjallyn myr joan e chassyn.

Noo Mian 27:45

Nish veih yn cheyoo oor, va dorraghys harrish ooilley yn cheer, gys yn nuyoo oor.

Deuteronomy 4:11

As haink shiu er-gerrey, as hass shiu ec cosh y clieau, as va’n slieau lostey lesh aile gys mean yn aer, lesh dorraghys, bodjallyn, as dorraghys dowin.