2 Samuel 22:1 - Yn Vible Casherick 1775 1819

¹ As ghow David gys y Chiarn goan yn arrane-moyllee shoh, er y laa va’n Chiarn er livrey eh ass laue ooilley e noidyn, as veih laue Saul.

2 Samuel 22:1 ပူးပေါင်းရင်းမြစ်များ

2 Samuel 12:7

As dooyrt Nathan rish David, Oo-hene y dooinney shen. Myr shoh ta’n Chiarn Jee Israel dy ghra, Ren mish uss y ooilaghey dy ve dty ree harrish Israel, as livrey mee oo veih laue Saul;

2 Samuel 22:49

As ta livrey mee veih my noidyn: t’ou myrgeddin er my hroggal seose dy ard er-nyn-skyn dirree seose m’oï: t’ou er my livrey veih’n dooinney tranlaasagh.

1 Recortyssyn 16:7

Eisht, er y laa shen ren David toshiaght er y chirveish lesh y psalm shoh, ren eh livrey gys laue Asaph as e vraaraghyn, dy choyrt booise da’n Chiarn.

Psalmyn 34:19

S’mooar ta seaghyn y fer-cairal: agh ta’n Chiarn cur feaysley da assdoo ooilley.

Psalmyn 50:14

Cheb yn oural dy hoyrt-booise gys Jee: as eeck dty vreearraghyn dasyn smoo Ard;

Exodus 15:1

Eisht hrog Moses as cloan Israel yn arrane-moyllee shoh gys y Chiarn, gra, Neem’s kiaulleeaght gys y Chiarn: son t’eh dy gloyroil er gheddyn barriaght; yn cabbyl as e varkiagh t’eh er cheau ’syn aarkey.

2 Corinthianee 1:10

Eh ren livrey shin veih baase cha dewil, as ta livrey shin: aynsyn ta shin treishteil dy jean eh foast livrey shin:

Deuteronomy 31:30

As loayr Moses ayns slane chaglym cloan Israel goan yn arrane shoh, veih toshiaght gy jerrey.

2 Timothy 4:18

As nee’n Chiarn my livrey veih dy chooilley obbyr olk, as nee eh m’y choadey gys e reeriaght flaunyssagh; huggey dy row gloyr son dy bragh as dy bragh. Amen.

Briwnyn 5:1

Eisht ghow Deborah, as Barak mac Abinoam, arrane-moyllee er y laa shen, gra,

1 Samuel 23:14

As ren David taaghey ny carrickyn lajer ’syn aasagh, as keiltyn eh-hene ayns slieau faasagh Ziph: as helg Saul eh dy chooilley laa; agh cha ren Jee eh y livrey gys e laue.

1 Samuel 24:15

Dy bee yn Chiarn er-y-fa shen ny vriw, as dy jean eh briwnys eddyr mish as uss, as fakin, as goaill seose my chooish, as m’y livrey ass dty laue.

1 Samuel 25:29

Ny-yeih, ta dooinney er droggal seose dy yannoo tranlaase ort, as dy helg dty annym: agh bee annym my hiarn kianlt ayns y bundeil dy vea marish y Chiarn dty Yee; agh er son anmeenyn dty noidyn, ad shen nee eh tilgey magh, myr clagh ass mean sling.

1 Samuel 26:24

As cur-my-ner, myr va dty vioys dy mooar soit jeh jiu ayns my hooillyn, myr shen lhig da my vioys ve dy mooar soit jeh liorish y Chiarn, as dy gooidsave lesh mish y livrey ass dy chooilley ghaue.

1 Samuel 27:1

As smooinee David ayns e chree, Neem’s foast keayrt ny keayrt ennagh tuittym liorish laue Saul: cha voddym ny share y yannoo na dy chosney cha leah’s oddym gys cheer ny Philistinee; as cha bee smooinaghtyn sodjey ec Saul orrym, dy hirrey er my hon ayns veg jeh ardjyn Israel: myr shoh nee’m scapail ass e laue.