2 Samuel 21:7 - Yn Vible Casherick 1775 1819

⁷ Agh haue y ree Mephibosheth, mac Yonathan, mac Saul, er coontey breearrey’n Chiarn va eddyr ad, eddyr David as Jonathan mac Saul.

2 Samuel 21:7 ပူးပေါင်းရင်းမြစ်များ

2 Samuel 16:4

Eisht dooyrt y ree rish Ziba, Cur-my-ner, lhiat’s ta ooilley ny va bentyn da Mephibosheth. As dooyrt Ziba, Shoh ta mee dy imlee guee ort, dy voddym agh foayr y gheddyn ayns dty hilley, my hiarn, O ree.

2 Samuel 19:25

As haink eh gy-kione, tra v’eh er jeet gys Jerusalem dy veeiteil y ree, dy dooyrt y ree rish, Cre’n-fa nagh jagh uss mârym’s, Mephibosheth?

2 Samuel 4:4

As v’ec Jonathan, mac Saul, mac va baccagh, as v’eh queig bleeaney d’eash tra haink naightyn jeh Saul as Jonathan veih Jezreel, as hrog e voandyr lh’ee eh, as chossyn ee rhymbee: as haink eh gy-kione myr v’ee ayns rouyr siyr dy chosney ersooyl, dy dooar eh lhieggey ren baccagh jeh. As va’n ennym echey Mephibosheth.

2 Samuel 9:1

As dooyrt David, Vel foast veg er-mayrn jeh thie Saul, dy voddym kenjallys y yeeaghyn da er graih Yonathan?

2 Samuel 9:10

Nee uss er-y-fa shen, as dty vec, as dty harvaantyn, laboragh y thalloo da, as ver oo lhiat stiagh ny messyn da, dy vod beaghey ve ec mac dty vainshtyr dy ghoaill: agh nee Mephibosheth mac dty vainshtyr dy kinjagh gee ec my voayrd hene. Nish v’ec Ziba, queig mec jeig, as feed sharvaant.

2 Samuel 9:6

Nish tra va Mephibosheth, mac Yonathan, mac Saul, er jeet gys David, huitt eh er e eddin, as ren eh biallys. As dooyrt David, Mephibosheth! As dreggyr eh, Cur-my-ner dty harvaant.

2 Samuel 9:7

As dooyrt David rish, Ny bee aggle ort: son neem’s dy firrinagh aigney-mie y yeeaghyn dhyt er graih dty ayr Jonathan, as ver-yms oo reesht ayns eiraght Saul dt’ayr; as bee oo my ghoaldagh kinjagh ec my voayrd hene.

Ecclesiastes 8:2

Ta mee dy dty choyrlaghey dy reayll sarey’n ree, as shen er coontey’n loo t’ou er ghoaill gys Jee.

1 Samuel 18:3

Eisht ren Jonathan as David conaant ry-cheilley, er-yn-oyr dy bynney lesh eh myr e annym hene.

1 Samuel 20:12

As dooyrt Jonathan rish David, O Hiarn Yee Israel, erreish dou v’er gheddyn magh aigney my ayrey traa erbee mairagh, ny nuyr, as cur-my-ner, my ta foayr ry-hoi David, as mannagh der-ym eisht fys hood, as shen y hoilshaghey dhyt.

1 Samuel 20:15

Agh myrgeddin cha jean oo lhaggaghey dty chenjallys gys my hie son dy bragh: eer lurg da’n Chiarn v’er yiarey jeh noidyn Ghavid, dagh unnane oc veih eaghtyr y thallooin.

1 Samuel 20:17

As hug Jonathan er David dy heet harrish e vreearrey reesht, er-yn-oyr dy bynney lesh eh: son dy bynney lesh eh myr e annym hene.

1 Samuel 20:42

As dooyrt Jonathan rish David, Immee royd ayns shee, fakin dy vel shin er n’yannoo breearrey ayns ennym y Chiarn, gra, Dy row’n Chiarn eddyr mish as uss, as eddyr my luight as y sluight ayd’s son dy bragh. As hrog eh er as hie eh roish; as hie Jonathan gys yn ard-valley.

1 Samuel 20:8

Shen-y-fa nee oo dellal myr carrey rish dty harvaant; son t’ou er n’yannoo conaant fenish y Chiarn eddyr uss as dty harvaant: ny-yeih, my ta mee-chairys aynym, marr mee oo-hene; son cre’n-fa yinnagh oo m’y livrey gys dty ayr?

1 Samuel 23:18

As ren ad shoh ny-neesht conaant y yannoo fenish y Chiarn. As duirree David ayns y cheyll, as hie Jonathan gys e hie.

1 Samuel 24:22

As hug David e vreearrey da Saul. As hie Saul roish gys e hie: agh hie David as e gheiney seose gys nyn ynnydyn lajer dy hauchys.