6 Lhig da shiaght deiney jeh e vec ve er ny livrey hooin, as crogh mayd ad seose son lhiasaghey fenish y Chiarn, ayns Gibeah jeh Saul, ren y Chiarn y reih. As dooyrt y ree, Ver-ym diu ad.
As tra honnick Ahitophel nagh ghow ad y choyrle echeysyn, yeelt eh e assyl, as hrog eh er, as hie eh thie gys e ard-valley hene, as ren eh e hymney, as hrogh eh eh-hene, as hooar eh baase, as v’eh oanluckit ayns oaie e ayrey.
Ta mee myrgeddin er n’yannoo decree, Quoi-erbee hed noi’n order shoh, lhig da fuygh ve raipit neose jeh e hie, as soit seose: lhig da hene ve croghit er, as e hie ve jeant ny horran son shoh.
As ree Ai ren ad y chroghey er billey derrey’n astyr: as ec lhie ny greiney, doardee Joshua yn corp dy ve goit neose jeh’n villey, as dy hilgey eh rish giat yn ard-valley, as dy hroggal harrish cayrn mooar cloaie, ta er-mayrn gys y laa jiu.
Eisht ghow Samuel boteil dy ooil, as gheayrt eh eh er e chione, as phaag eh eh, as dooyrt eh, Nagh vel eh er-yn-oyr dy vel y Chiarn er dty ooilaghey dy ve captan harrish e eiraght?
As dooyrt Samuel rish ooilley’n pobble, Cur-jee my-ner yn dooinney ta’n Chiarn er reih, nagh vel e lheid mastey ooilley’n pobble: As deïe ooilley’n pobble, as dooyrt ad, Dy bannee Jee yn ree.