2 Samuel 21:3 - Yn Vible Casherick 1775 1819

³ Shen-y-fa dooyrt David rish ny Gibeoniteyn, Cre neem’s er ny son eu? as cre lesh nee’m lhiasaghey diu, dy vod shiu eiraght y Chiarn y vannaghey?

2 Samuel 21:3 ပူးပေါင်းရင်းမြစ်များ

2 Samuel 20:19

Ta mish unnane jeusyn ta sheeoil as firrinagh ayns Israel: t’ou shirrey stroie ard-valley, as moir balley ayns Israel: cre’n-fa nee oo sluggey seose eiraght y Chiarn?

Exodus 32:30

As haink eh gy-kione er laa-ny-vairagh, dy dooyrt Moses rish y pobble, Ta shiu er n’yannoo peccah mooar: as nish hem’s seose gys y Chiarn; foddee dy voddym lhiasaghey ’yannoo son nyn beccah.

Leviticus 1:4

As ver eh e laue er kione y chebbal-losht, as bee soiagh jeant jeh er e hon, dy yannoo lhiasaghey ny chour.

Jonah 1:11

Eisht dooyrt ad rish, Cre nee mayd rhyt, dy vod y keayn ve kiune dooin? (son va’n keayn freaney, as erskyn-towse stermagh).

Hebrewnee 9:22

As cordail rish y leigh ta dy chooilley red son y chooid smoo er ny ghlenney lesh fuill; as fegooish deayrtey folley cha vel veg y leih [son peccah.]

1 Samuel 2:25

My ta dooinney jannoo aggair da dooinney, nee’n briw reaghey’n chooish eddyr ad: agh my nee dooinney peccah noi’n Chiarn, quoi hig eddyr ad? Ny-yeih cha dug ad geill da coraa nyn ayr; shen-y-fa va’n Chiarn kiarit dy stroie ad.

1 Samuel 26:19

Nish er-y-fa shen, ta mee guee ort, lhig da my hiarn y ree geaishtagh rish goan dty harvaant: my she’n Chiarn t’er dty ghreinnaghey m’oï, lhig da soiaghey jeh my vioys son lhiasaghey: agh my she cloan gheiney ad, my vollaght orroo fenish y Chiarn; son t’ad er my imman magh ’sy traa t’ayn veih cummal ayns eiraght y Chiarn, wheesh as dy ghra, Immee, as shirveish jeeghyn joarree.